कुरुक्षेत्र : शाहाबाद साखर कारखान्याच्या ऊस विभागाने आपल्या फिल्ड स्टाफच्या मदतीने कार्यक्षेत्रातील ऊसाचा सर्व्हे सुरू केला आहे. या सर्व्हेमधून शेतात शिल्लक उसाची योग्य माहिती मिळेल. तसेच कारखाना सुरळीत सुरू ठेवण्यासही याची मदत होणार आहे. कारखान्याचे कार्यकारी संचालक सतिंद्र सिवाच यांनी सांगितले की, शाहाबाद सहकारी साखर कारखान्याने २८ फेब्रुवारीपर्यंत कारखान्याला पुरवठा झालेल्या उसाचे पैसे शेतकऱ्यांच्या बँक खात्यांमध्ये पाठवले आहेत. ही रक्कम १५१.८४ कोटी रुपये होते. कारखान्याने आतापर्यंत खरेदी केलेल्या ऊसाच्या ७७ टक्के ही रक्कम आहे.
जागरणमध्ये प्रकाशित झालेल्या वृत्तानुसार, कार्यकारी संचालक सिवाच यांनी सांगितले की, ऊस बिले देण्यात कारखाना सर्व सहकारी साखर कारखान्यांमध्ये अग्रेसर आहे. चार एप्रिलपर्यंत कारखान्याने ५६.१५ लाख क्विंटल उसाचे गाळप करुन ५.५५ लाख क्विंटल साखर उत्पादन केले आहे. ऊस उतारा ११.२५ टक्के आहे. या हंगामात तीन कोटी ६५ लाख युनिट वीज हरियाणा विद्युत निगमला करण्यात आला आहे. सर्व शेतकऱ्यांच्या उसाचे गाळप झाल्यानंतरच कारखाना बंद केला जाईल असे आश्वासन त्यांनी दिले.