नवी दिल्ली : भारताच्या इथेनॉल उत्पादन क्षमतेमध्ये (Ethanol production capacity) लक्षणीय वाढ होत आहे. त्यामुळे देशाच्या एकूण उत्पादनात वाढ होण्याची अपेक्षा आहे. अन्न आणि सार्वजनिक वितरण विभागाने (डीएफपीडी) नवीन सरकारच्या पहिल्या १०० दिवसांत आपली कामगिरी दाखवली आहे. इथेनॉल उत्पादन क्षमतेत लक्षणीय वाढ झाली असून ती १,६४८ कोटी लीटरपर्यंत पोहोचली आहे. अशा प्रकारे, एकूण क्षमता १,६०० कोटी लिटरपर्यंत वाढविण्याचे १०० दिवसांचे लक्ष्य गाठले गेले आहे.
सरकार इथेनॉल ब्लेंडिंग विथ पेट्रोल (ईबीपी) कार्यक्रम सक्रियपणे राबवत आहे, ज्यामुळे तेल विपणन कंपन्यांना (ओएमसी) इथेनॉल मिश्रित पेट्रोल विकण्याची परवानगी मिळते. या उपक्रमांतर्गत २०२५ पर्यंत पेट्रोलमध्ये २० टक्के इथेनॉल मिश्रित करण्याचे उद्दिष्ट ठेवण्यात आले आहे. देशाने २०२५ पर्यंत २० टक्के इथेनॉल मिश्रणाचे लक्ष्य ठेवले आहे. पेट्रोलमध्ये इथेनॉलचे मिश्रण ऑगस्टमध्ये १५.८ टक्क्यांवर पोहोचले आणि नोव्हेंबर २०२३ ते ऑगस्ट २०२४ या कालावधीत एकत्रित इथेनॉल मिश्रण १३.६ टक्के होते. सरकारी उपक्रमांमुळे देशभरात इथेनॉल उत्पादन क्षमतेत सातत्याने वाढ होत आहे, अनेक राज्यांमध्ये आता इथेनॉलची क्षमता जास्त आहे.
