અમદાવાદ: ગુજરાતના વિવિધ ભાગોમાં કમોસમી વરસાદ દરમિયાન વીજળી પડવાથી 27 લોકોના મોત થયા છે. વરસાદને કારણે ઘરો અને ઉભા પાકને પણ ભારે નુકસાન થયું છે. અધિકારીઓએ સોમવારે આ જાણકારી આપી હતી
તેમણે જણાવ્યું હતું કે વીજળી સંબંધિત મૃત્યુ રવિવાર સવારથી 24 કલાકના ગાળામાં થયા છે. સ્ટેટ ઇમરજન્સી ઓપરેશન સેન્ટર (SEOC) અનુસાર, ગુજરાતના વિવિધ ભાગોમાં કમોસમી વરસાદ દરમિયાન વીજળી પડવાને કારણે અત્યાર સુધીમાં 27 લોકોના મોત થયા છે.
અધિકારીઓએ જણાવાયું છે કે દાહોદ, તાપી, ડાંગ, અમરેલી, સુરેન્દ્રનગર, બોટાદ, મહેસાણા, ખેડા, પંચમહાલ, સાબરકાંઠા, અમદાવાદ, ભરૂચ અને દેવભૂમિ દ્વારકા જિલ્લામાં સૌથી વધુ મૃત્યુ થયા છે.
અધિકારીઓના જણાવ્યા અનુસાર વીજળી પડવાથી પ્રાણીઓના પણ મોત થયા છે. વાવાઝોડા અને કરા સાથેના કમોસમી વરસાદથી ઘરો અને ઉભા પાકને પણ નુકસાન થયું છે, જેની આકારણી કરવામાં આવશે.
કેન્દ્રીય ગૃહ પ્રધાન અમિત શાહે વીજળી પડવાથી લોકોના મોત પર શોક વ્યક્ત કર્યો અને કહ્યું કે સ્થાનિક વહીવટીતંત્ર રાહત કાર્યમાં લાગેલું છે.
શાહે રવિવારે રાત્રે સોશિયલ મીડિયા પ્લેટફોર્મ ‘X’ પર લખ્યું, “ગુજરાતના વિવિધ શહેરોમાં ખરાબ હવામાન અને વીજળી પડવાને કારણે ઘણા લોકોના મોતના સમાચારથી હું ખૂબ જ દુઃખી છું. આ દુર્ઘટનામાં જેમણે પોતાના પ્રિયજનોને ગુમાવ્યા છે તેમને ન પૂરી શકાય તેવી ખોટ માટે હું મારી ઊંડી સંવેદના વ્યક્ત કરું છું. સ્થાનિક વહીવટીતંત્ર રાહત કાર્યમાં લાગેલું છે.
