ભારતના લોકો પોતાના નાણાંના રોકાણ માટે મ્યુચલ ફન્ડ માં જ ઉપયોગ કરે છે કે SIP જ કરે છે તેવું નથી.બલ્કે આજે પણ શેર બજાર રોકાણ કરવાનું શ્રેષ માધ્યમ માનવામાં આવી રહ્યું છે.છેલ્લા કેટલાક સમયથી બજારમાં વોલેટિલિટી છતાં ઇક્વિટી માટે રોકાણકારોનો ઉત્સાહ ઘટ્યો નથી. 30 જૂને પૂરા થયેલા એક વર્ષમાં 41 લાખ નવા રોકાણકારોએ ડિમેટ ખાતાં ખોલ્યાં છે, જે 2011 પછી એક વર્ષમાં ઉમેરાયેલા સૌથી વધુ ડિમેટ એકાઉન્ટ છે. આ સાથે ભારતમાં શેરબજારના રોકાણકારોની સંખ્યા 3.65 કરોડે પહોંચી છે.
ડિમેટ એકાઉન્ટ્સની સંખ્યામાં વૃદ્ધિ એવા સમયે જોવા મળી છે જ્યારે બજાર અથડાયેલું છે. સેન્સેક્સે જૂન 2018થી અત્યાર સુધીમાં માત્ર 7 ટકા વળતર આપ્યું છે. સમાન ગાળામાં BSE મિડ-કેપ અને સ્મોલ-કેપ ઇન્ડેક્સ અનુક્રમે 6 ટકા અને 13 ટકા તૂટ્યા છે. ઉલ્લેખનીય છે કે, માત્ર ચાર વર્ષમાં ડિમેટ એકાઉન્ટની કુલ સંખ્યામાં લગભગ 50 ટકા ઉછાળો નોંધાયો છે, જે રોકાણકારોમાં ઇક્વિટી માટે પસંદગીનું સૂચન કરે છે. અગાઉનાં બે વર્ષમાં બજારમાં અનુક્રમે 35 લાખ અને 25 લાખ રોકાણકારો ઉમેરાયા હતા.
બજારવર્તુળોના જણાવ્યા અનુસાર દેશમાં ફાઇનાન્શિયલ સાક્ષરતા વધારવાનો અર્થ એ થયો કે, વધુ રોકાણકારોને ઇક્વિટીમાં રોકાણ કરાવવું. છેલ્લાં પાંચ વર્ષમાં શેરબજારે રિયલ એસ્ટેટ અને સોના સહિતના વિવિધ એસેટ ક્લાસ કરતાં વધુ વળતર આપ્યું છે. 2016થી સેન્સેક્સ 70 ટકા ઊછળ્યો છે, જે વર્ષે સરેરાશ 20 ટકા વળતર દર્શાવે છે.
તાજેતરના ડેટામાં ડાયરેક્ટ માર્કેટ ઇન્વેસ્ટમેન્ટ્સ, મ્યુ ફંડ યુનિટ્સની ખરીદી અને NCDsના સબસ્ક્રિપ્શન્સ માટે ખૂલેલા ડિમેટ ખાતાનો સમાવેશ થાય છે.
ખાસ કરીને ઇક્વિટીમાં સીધું રોકાણ અને મ્યુ ફંડ યુનિટ્સની ખરીદી માટે લોકો ડિમેટ ખાતાં ખોલી રહ્યા છે.” તેમણે વધુમાં જણાવ્યું હતું કે, “ખાતાં માટે ડિજિટલ KYC અને ઇલેક્ટ્રોનિક સિગ્નેચરના ઉપયોગને કારણે બે વર્ષમાં નવાં એકાઉન્ટ્સ ખોલવાની પ્રક્રિયા ઘણી સરળ બની છે.
રોકાણકારોએ ટ્રેડિંગ એકાઉન્ટ શરૂ કરવા હવે લાંબી રાહ જોવી પડતી નથી.” મુંબઈ શેરબજારના રોકાણકારોનું સૌથી મોટું હબ રહ્યું છે. જોકે, હવે બેંગલુરુ અને હૈદરાબાદ સહિતનાં અન્ય મોટાં શહેરો પણ ‘ઇક્વિટી કલ્ચર’માં રંગાઈ રહ્યાં છે. કેશ માર્કેટના કુલ વોલ્યુમમાં બેંગલુરુનો હિસ્સો 2012-’13ના 0.3 ટકાથી વધીને હાલ 4.2 ટકા થયો છે. એવી રીતે ઇક્વિટી માર્કેટમાં હૈદરાબાદનો હિસ્સો 2012-’13ના 1.4 ટકાથી વધીને 3.3 ટકા થયો છે.
