બેલગાવી, કર્ણાટક: છેલ્લા કેટલાક દિવસોમાં જિલ્લામાં મુશળધાર વરસાદને કારણે અનેક કરોડો રૂપિયાનું નુકસાન થયુ છે. અનેક તાલુકાઓમાં પાકને નુકસાન ઉપરાંત મોટી સંખ્યામાં મકાનો પણ ધરાશાયી થયા છે. જિલ્લામાં વરસાદે 35,000 હેક્ટરથી વધુ શેરડી, સોયાબીન અને કપાસને અસર કરી છે.
ધ ન્યૂ ઈન્ડિયન એક્સપ્રેસમાં પ્રકાશિત થયેલા સમાચારો અનુસાર, હુકેરીમાં ચાર દિવસ પહેલા પડેલા વરસાદને કારણે એક વ્યક્તિનું મોત નીપજ્યું હતું અને જાહેર મિલકતોને ભારે નુકસાન પહોંચ્યું હતું. જિલ્લામાં 270 મકાનો આંશિક રીતે તૂટી પડ્યાં છે. ડેપ્યુટી કમિશનર એમ.જી. હિરેમથના જણાવ્યા અનુસાર, કિટુર, બૈલેહોંગલ, ચીકકોડી, ગોકક, ખાનપુર, રામદુર્ગ અને રાયબાગ તહસીલોના અનેક મકાનોને નુકસાન થયું હતું. આ તમામ તહસીલ વિસ્તારોમાં આ સપ્તાહમાં સતત ત્રણ દિવસ સતત અને મુશળધાર વરસાદ વરસ્યો હતો.તેમની તહેસીલોમાં સરકારી અધિકારીઓએ નુકસાનની આકારણી કરવાની પ્રક્રિયા ઝડપી બનાવી દીધી છે