कर्नाटक सरकार लवकरच इथेनॉल धोरण प्रस्तावित करणार आहे, अशी घोषणा साखर आणि ऊस विकास मंत्री शंकर पाटील मुनेनकोप्पा यांनी केली. राज्यात साखर कारखानदारीतून इथेनॉल उत्पादनाला अधिक बळ दिले जाईल असे ते म्हणाले.
उडुपी येथील आपल्या दौऱ्यावेळी पत्रकारांनी बोलताना मुनेनकोप्पा म्हणाले, इथेनॉल उत्पादनाला मोठ्या प्रमाणावर प्रोत्साहन देण्याची गरज आहे. केंद्र सरकारने २०२५ पर्यंत पेट्रोल आणि डिझेलमध्ये २० टक्के इथेनॉल मिश्रण करण्याचे उद्दीष्ट निश्चित केले आहे.
जेथे मोठ्या प्रमाणावर ऊस शेती केली जाते, अशा उत्तर प्रदेशचा व्यापक दौरा केल्यानंतर मुनेनकोप्पा म्हणाले, केवळ साखरेचे उत्पादन कारखान्यांसाठी पुरेसे नाही. अशा स्थितीत इथेनॉल उत्पादन साखर कारखान्यांसह सरकारसाठी फायदेशीर ठरू शकते. राज्य सरकार मक्का आणि भातापासून इथेनॉल उत्पादन करण्यास प्रोत्साहन देईल असे मंत्री म्हणाले. त्यातून शेतकऱ्यांना अधिक उत्पादन मिळू शकेल.
मंत्री म्हणाले, लवकरच एक कृती दल इथेनॉल उत्पादनाच्या पद्धतींचा अभ्यास करण्यासाठी उत्तर प्रदेश आणि महाराष्ट्राचा दौरा करेल. राज्य सरकार इथेनॉल उत्पादन युनिटची स्थापना करण्यासाठी साखर कारखान्याच्या प्रस्तावांना मान्यता देईल. राज्य सरकार त्यांच्याकडून स्वतः इथेनॉल खरेदी करेल आणि त्याची विक्री तेल वितरण कंपन्यांना करेल असे मंत्री म्हणाले.
