નવી દિલ્હી: રાષ્ટ્રપતિ રામનાથ કોવિંદે સોમવારે જણાવ્યું હતું કે ભારતમાં કૃષિ ક્ષેત્રને પ્રોત્સાહન આપવા માટે 1,000 યોજનાઓ માટે આશરે રૂ. 1 લાખ કરોડ મંજૂર કરવામાં આવ્યા છે. સંસદના બજેટ સત્રના પ્રથમ દિવસે, રાષ્ટ્રપતિએ સંયુક્ત બેઠકને સંબોધિત કરી અને કહ્યું કે, કૃષિ માળખાકીય સુવિધાઓ સુધારવા માટે, ભારતમાં કૃષિ ક્ષેત્રને પ્રોત્સાહન આપવા માટે 1,000 યોજનાઓ માટે લગભગ 1 લાખ કરોડ રૂપિયા મંજૂર કરવામાં આવ્યા છે.
સરકાર ‘અંત્યોદય’ના મૂળ મંત્રમાં માને છે, જે સામાજિક ન્યાય, સમાનતા, સન્માન અને સમાન તકો છે. PM આવાસ યોજના, PM સ્વનિધિ, હર ઘર જલ અને PM સ્વામિત્વ જેવી યોજનાઓથી દેશભરના નાગરિકોને ઘણો ફાયદો થઈ રહ્યો છે. રાષ્ટ્રપતિ કોવિંદે કહ્યું કે સરકાર દેશના ગ્રામીણ અર્થતંત્ર અને ખેડૂતોને સશક્ત બનાવવા માટે અથાક મહેનત કરી રહી છે. સ્વામિત્વ યોજના હેઠળ લગભગ 27,000 ગામડાઓમાં 40 લાખથી વધુ પ્રોપર્ટી કાર્ડનું વિતરણ કરવામાં આવ્યું છે. સરકાર દેશના ગ્રામીણ અર્થતંત્ર અને ખેડૂતોને સશક્ત બનાવવા માટે અથાક મહેનત કરી રહી છે. રેકોર્ડ ઉત્પાદનને ધ્યાનમાં રાખીને સરકારે પણ રેકોર્ડ ખરીદી કરી છે.
કોવિંદે કહ્યું કે સરકાર નાના ખેડૂતોના સશક્તિકરણ પર કામ કરી રહી છે. તેમણે કહ્યું હતું કે, સન્માન નિધિ યોજના, પાક વીમા યોજના, કૃષિ ઈન્ફ્રાસ્ટ્રક્ચર ફંડ જેવી યોજનાઓ સાથે, સરકાર સ્વ-નિર્ભર કૃષિ ઇકોસિસ્ટમનું નિર્માણ કરી રહી છે. સંસદનું બજેટ સત્ર 31 જાન્યુઆરીએ રાષ્ટ્રપતિ રામ નાથ કોવિંદના સંબોધન સાથે શરૂ થયું હતું. સંસદના કેન્દ્રીય બજેટ સત્રનો પહેલો ભાગ 31 જાન્યુઆરીથી 11 ફેબ્રુઆરી સુધી અને બજેટ સત્રનો બીજો ભાગ 14 માર્ચથી 8 એપ્રિલ સુધી ચાલશે.
