मंड्या : तरुणांच्या एका गटाने बुधवारी एका बैलगाडीत उच्चांकी ८.७ टन ऊस भरला. तो श्रीरंगपट्टण तालुक्यातील नेलमले गावातून पांडवपुरा सहकारी साखर कारखान्याला नेण्यात आला. या तरुणांनी संयुक्तपणे संकरित बैलजोडीसह बैलगाडी खरेदी केली होती. साधारणपणे बैलगाडीतून चार टन ऊस नेण्यात येतो. मात्र, संकरित गुरांची वाहून नेण्याची क्षमता सुमारे ९.५ टन असल्याचे सांगितले जाते.
कारखान्यातील एका कर्मचाऱ्याने सांगितले की, पहिल्यांदाच इतक्या मोठ्या प्रमाणात उसाची वाहतूक बैलगाडीतून करण्यात आली. दरम्यान या युवकांपैकी आनंद कुमार यांनी सांगितले की, आमची बैलजोडी चांगली आणि आरोग्यदायी आहे. ते आठ टन ऊस वाहून नेऊ शकतात याचा आम्हाला विश्वास होता.
