કેન્દ્રપારા: ઓડિશાના કેન્દ્રપારા જિલ્લામાં અગાઉ 15,000 હેક્ટરથી વધુમાં શેરડીનું વાવેતર થતું હતું, પરંતુ આ વર્ષે તે ઘટીને 1,000 હેક્ટરથી ઓછું થઈ ગયું છે. તેવી જ રીતે, જિલ્લામાં શણની ખેતીને પ્રોત્સાહન આપવા માટે નામના મેળવનાર સંશોધન કેન્દ્ર હવે સુષુપ્ત પડી રહ્યું છે. જિલ્લાની આ સ્થિતિ યોગ્ય જળ વ્યવસ્થાપન નીતિનો અભાવ, મંડીઓ અને શુગર મિલનો અભાવ અને સિંચાઈ માટે નદીને જોડવામાં નિષ્ફળતાને કારણે છે. પરિણામે તુવેર અને સૂર્યમુખી જેવા રોકડીયા પાકોની ખેતી કરતા ખેડૂતોને તેની ખેતી કરવામાં મુશ્કેલીનો સામનો કરવો પડી રહ્યો છે.
ગરદપુર, માર્શ ઘાઈ, દેરાબીશ, પટ્ટમુંડાઈ, ઔલ અને રાજ કનિકા બ્લોકના ખેડૂતોએ 15,000 હેક્ટરથી વધુ વિસ્તારમાં શેરડીની ખેતી કરી હતી. 10 વર્ષ પહેલા કૃષ્ણદાસપુરમાં સુગર મિલ શરૂ કરવામાં આવી હતી. જો કે, મિલ બંધ થવાથી અને પાણી અને માર્કેટિંગ સુવિધાઓના અભાવે શેરડીના વાવેતરને અસર કરી છે. ખેડૂતોને હવે તેમની આજીવિકા માટે સંપૂર્ણપણે ખેતી પર નિર્ભર રહેવું મુશ્કેલ બની રહ્યું છે. ખેડૂતોએ કહ્યું કે રાજ્ય સરકારે શેરડીની ખેતીને પ્રોત્સાહન આપવું જોઈએ કારણ કે રાજ્યમાં વાર્ષિક 2.21 લાખ મેટ્રિક ટન ખાંડની જરૂર પડે છે. જિલ્લામાં શેરડીનું વાવેતર ઘટી રહ્યું છે જયારે મોટાભાગની શુગર મિલો બંધ છે.
