શુગર કમિશનરેટના ડેટા અનુસાર, 2021-22ની સિઝનમાં 17 ફેબ્રુઆરી, 2022 સુધી મહારાષ્ટ્રમાં કુલ 197 શુગર મિલોએ પિલાણ શરૂ કર્યું છે. જેમાં 98 સહકારી અને 99 ખાનગી શુગર મિલો સામેલ છે અને 860.98 લાખ ટન શેરડીનું પિલાણ કરવામાં આવ્યું છે. રાજ્યમાં અત્યાર સુધીમાં 879.10 લાખ ક્વિન્ટલ ખાંડનું ઉત્પાદન થયું છે. હાલમાં રાજ્યમાં ખાંડની સરેરાશ રીકવરી 10.21 ટકા છે.
રાજ્યમાં સૌથી વધુ ખાંડનું ઉત્પાદન કોલ્હાપુર વિભાગમાં થયું છે. શુગર કમિશનરેટના ડેટા અનુસાર, 2021-22ની સિઝનમાં 17 ફેબ્રુઆરી, 2022 સુધી, કોલ્હાપુરમાં 202.92 લાખ ટન શેરડીનું પિલાણ થયું છે અને 236.29 લાખ ક્વિન્ટલ ખાંડનું ઉત્પાદન થયું છે. રાજ્યમાં ખાંડની સૌથી વધુ રિકવરી પણ કોલ્હાપુર વિભાગમાં છે. અહીં ખાંડની રિકવરી 11.64 ટકા છે.
રાજ્યમાં સૌથી વધુ શુગર મિલો સોલાપુર વિભાગમાં કાર્યરત છે. સોલાપુરમાં સૌથી વધુ 46 શુગર મિલોમાં પિલાણ શરૂ થઈ ગયું છે. 17 ફેબ્રુઆરી, 2022 સુધીમાં 203.48 લાખ ટન શેરડીનું પિલાણ કરીને 186.94 લાખ ક્વિન્ટલ ખાંડનું ઉત્પાદન કરવામાં આવ્યું છે.
