साखर उत्पादनात सोनीपत साखर कारखान्याने राज्यात अव्वल क्रमांक मिळवला आहे. गळीत हंगामाच्या माध्यमातून साखर उत्पादनाचा उतारा १०.४० टक्क्यांवर पोहोचला आहे. अनेक वर्षांच्या तुलनेत कारखान्याची साखर आणि मोलॅसिसची गुणवत्ता खूप सुधारली आहे. राज्यात सोनीपत साखर कारखान्याच्या साखरेची मागणी वाढली आहे. आतापर्यंत १.४१ लाख क्विंटल साखर उत्पादन झाली आङे. चांगल्या रिकव्हरीसोबत मोलॅसीसची विक्री ९४१ रुपये प्रती क्विंटल दराने सुरू आहे. हा दर राज्यात सर्वाधिक आहे.
दी सोनीपत सहकारी साखर कारखान्याने गेल्या काही वर्षांच्या खंडानंतर पुन्हा अव्वल स्थान पटकावले आहे. कारखान्यात १५.७६ लाख क्विंटल उसाचे गाळप झाले आहे. १.४१ लाख क्विंटल साखर उत्पादन झाले आहे. कारखान्याची दैनंदिन गाळप क्षमता २२ हजार क्विंटल आहे. कारखान्याने गेल्या हंगामात ३२ लाख क्विंटल उसाचे गाळप केले होते. कारखाना कार्यक्षेत्रात १८५ गावात १६ हजार एकर ऊस क्षेत्र आहे. कारखान्याने यंदा ३६ लाख क्विंटल ऊस गाळपाचे उद्दीष्ट ठेवले आहे. चांगला ऊस कारखान्यास देण्यासाठी शेतकऱ्यांना प्रोत्साहन दिले जात आहे. आतापर्यंत २५ कोटी रुपयांची साखर विक्री झाली आहे. गेल्या हंगामात साखरेची सौदी अरेबिया आणि दुबईलाही निर्यात झाली आहे, असे कार्यकारी संचालक जितेंद्र जोशी यांनी सांगितले.
