मुंबई : देशातील साखर कारखान्यांकड़ून इथेनॉल उत्पादनाला प्रोत्साहन दिले जात आहे. या अंतर्गत महाराष्ट्रातील साखर कारखान्यांनी इथेनॉल पुरवठा करण्यासाठी निविदा दाखल केली आहे. अधिकाधिक इथेनॉल उत्पादनाचे प्रयत्न सुरू आहेत.
द इंडियन एक्स्प्रेसमध्ये प्रकाशित झालेल्या वृत्तानुसार, महाराष्ट्रातील साखर कारखान्यांनी इथेनॉल पुरवठा वर्ष (डिसेंबर-नोव्हेंबर) २०२१-२२ साठी तेल वितरण कंपन्यांना (OMC) ९४ कोटी लिटर इथेनॉलस पुरवठा करण्यासाठी निविदा भरली आहे. यातून राज्यातील १२ लाख टन साखर डायव्हर्ट होण्याची अपेक्षा आहे. बहुतांश इथेनॉल बी हेवी मोलॅसीस अथवा ऊसाच्या रसापासून तयार केले जात आहे. इंधनाचे मिश्रण वाढविल्याने आणि साखरेच्या अतिरिक्त साठा कमी करण्यासाठी साखर कारखान्यांना याची मदत मिळत आहे. इथेनॉल पुरवठा वर्षासाठी तेल वितरण कंपन्यांनी ४५८ कोटी लिटरटच्या पुरवठ्यासाठी राष्ट्रीय निविदा जारी केली होती. २० फेब्रुवारीपर्यंत ४१६ कोटी लिटरच्या पुरवठ्यास अंतिम रुप देण्यात आले आहे. ४०१ कोटी लिटरसाठी लेटर ऑफ इंटर्न जारी करण्यात आले आहे.
२० फेब्रुवारीपर्यंत मिश्रण ९.०७ टक्क्यांपर्यंत पोहोचून ८० कोटी लिटरहून अधिक इथेनॉल पुरवठा करण्यात आला आहे. उद्योगाकडील आकडेवारीनुसार, बहुतांश इथेनॉल उत्पादन बी हेवी मोलॅसीसपासून झाले आहे. महाराष्ट्रात ६८ साखर कारखाने इथेनॉलचे उत्पादन करीत आहेत. गेल्या काही वर्षात इथेनॉलच्या पर्यायाने साखर कारखान्यांना वेळेवर ऊस बिले देण्यास मदत मिळाली आहे.