દેશના ઘણા ખાંડ ઉત્પાદક રાજ્યોમાં મિલોએ પિલાણની સિઝન બંધ કરવાનું શરૂ કરી દીધું છે. મહારાષ્ટ્રમાં પણ તેની શરૂઆત થઈ ચૂકી છે.
મહારાષ્ટ્રના સુગર કમિશનરેટના ડેટા અનુસાર, 04 માર્ચ, 2022 સુધી રાજ્યની 2 શુંગર મિલોએ પિલાણની સિઝન બંધ કરી દીધી છે. હાલમાં કોલ્હાપુર વિભાગની બે શુગર મિલો બંધ છે.
શુગર કમિશનરેટના ડેટા અનુસાર, 2021-22ની સિઝનમાં 04 માર્ચ, 2022 સુધી, મહારાષ્ટ્રમાં કુલ 197 ખાંડ મિલોએ પિલાણમાં ભાગ લીધો હતો. જેમાં 98 સહકારી અને 99 ખાનગી શુંગર મિલો સામેલ છે અને 975.47 લાખ ટન શેરડીનું પિલાણ કરવામાં આવ્યું છે. રાજ્યમાં અત્યાર સુધીમાં 1003.89 લાખ ક્વિન્ટલ ખાંડનું ઉત્પાદન થયું છે. હાલમાં રાજ્યમાં ખાંડની સરેરાશ રિકવરી 10.29 ટકા છે.
રાજ્યમાં સૌથી વધુ ખાંડનું ઉત્પાદન કોલ્હાપુર વિભાગમાં થયું છે. શુગર કમિશનરેટના ડેટા અનુસાર, 04 માર્ચ, 2022 સુધી, 2021-22ની સિઝનમાં, કોલ્હાપુરે 226.40 લાખ ટન શેરડીનું પિલાણ કરીને 264.75 લાખ ક્વિન્ટલ ખાંડનું ઉત્પાદન કર્યું છે. રાજ્યમાં ખાંડની સૌથી વધુ રિકવરી પણ કોલ્હાપુર વિભાગમાં છે. અહીં ખાંડની રિકવરી 11.69 ટકા છે. મહારાષ્ટ્રમાં ખાંડની રિકવરી હંમેશા કોલ્હાપુર વિભાગમાં સૌથી વધુ રહી છે.
રાજ્યમાં સૌથી વધુ શુંગર મિલો સોલાપુર વિભાગમાં કાર્યરત છે. સોલાપુરમાં સૌથી વધુ 46 શુગર મિલોમાં પિલાણ શરૂ થઈ ગયું છે. અહીં 04 માર્ચ, 2022 સુધીમાં 229.36 લાખ ટન શેરડીનું પિલાણ કરીને 213.10 લાખ ક્વિન્ટલ ખાંડનું ઉત્પાદન કરવામાં આવ્યું છે.
