मनिला : पिक वर्ष २०२१-२२ मध्ये फिलीपाइन्समधील कच्च्या साखरेच्या उत्पादनात १.९८ मिलियन मेट्रिक टनापर्यंत घसरण होऊ शकते. एक दशकातील हा सर्वात निच्चांकी स्तर असेल. फिलिपाइन्सचाय साखर उद्योग सततच्या पावसामुळे कमी उत्पादनाचा सामना करीत आहे. त्याचा थेट परिणाम ऊस उत्पादनावर झाला आहे. चालू पिक वर्षात साखर नियामक प्रशासनाने (एसआरए) अंतिम साखर उत्पादन अनुमान १.९८२ मिलियन मेट्रिक टन असेल असे म्हटले होते. आधीच्या २०२०-२१ या हंगामातील नोंदलेल्या २.१४३ एमएमटीपेक्षा ते ७.४८ टक्के कमी असेल.
चालू पिक वर्षात साखर उत्पादनाचे अंतिम अनुमान एसआरएद्वारे २.०७२ एमएमटीच्या आधीच्या अनुमानपेक्षा कमी होते. पिक वर्ष २०२१-२२ साठी एसआरएन सुरुवातीला कच्च्या साखरेचे उत्पादनाचे पुर्वानुमान २.०९९ मिलियन मेट्रिक टन म्हटले होते. एसआरएकडील डाटा नुसार, जर पिकांच्या उत्पादनाचे अनुमान खरे ठरले तर ते पिक वर्ष २००९-१० मध्ये नोंदलेल्या १.९७ मिलियन मेट्रिक टन उत्पादनानंतरचा सर्वात कमी उत्पादन स्तर असेल.
