આરબીઆઈના ગવર્નર શક્તિકાંત દાસે રેપો રેટમાં 40-બેઝિસ પોઈન્ટના વધારાની જાહેરાત કરી હતી, જે હવે 4.40 ટકા થઇ ગયો છે. તે જ સમયે, CRRમાં .50 ટકાનો વધારો કરવામાં આવ્યો છે, RBI ગવર્નરની જાહેરાત સાથે, સેન્સેક્સમાં તીવ્ર ઘટાડો જોવા મળ્યો હતો અને માર્કેટ માં સેંસેક્સ 1300 પોઇન્ટ નીચે ગબડ્યો હતો.
RBI હાઈક રેપો રેટ: રિઝર્વ બેંક ઓફ ઈન્ડિયા (RBI)ના ગવર્નર શક્તિકાંત દાસે રેપોમાં 40-બેઝિસ પોઈન્ટ વધારાની જાહેરાત કરી છે. હવે આ દર વધીને 4.4% થઈ ગયો છે. તે જ સમયે, સીઆરઆરમાં .50 ટકાનો વધારો કરવામાં આવ્યો છે. હવે તે 4.5% થઈ ગયો છે. અગાઉ, આરબીઆઈએ છેલ્લે 22 મે 2020ના રોજ મુખ્ય વ્યાજ દરોમાં ફેરફાર કર્યો હતો. RBI ગવર્નરની જાહેરાત સાથે સેન્સેક્સમાં તીવ્ર ઘટાડો જોવા મળી રહ્યો છે. નિર્ણય આવતાની સાથે જ સેન્સેક્સમાં 1300 પોઈન્ટનો ઘટાડો નોંધાયો છે. આરબીઆઈનું આ આશ્ચર્યજનક પગલું યુએસ ફેડરલ રિઝર્વ તરફથી અપેક્ષિત દર વધારા પહેલા આવ્યું છે. તમને જણાવી દઈએ કે યુએસ ફેડરલ રિઝર્વ રેકોર્ડ ફુગાવાને નિયંત્રિત કરવા માટે મુખ્ય વ્યાજ દરમાં 50 બેસિસ પોઈન્ટનો વધારો કરી શકે છે.
રિઝર્વ બેંકની મોનેટરી પોલિસી કમિટીએ 2 મે અને 4 મેના રોજ ઓફ-સાઇકલ બેઠક યોજી હતી. RBI ગવર્નર શક્તિકાંત દાસે આજે જણાવ્યું હતું કે કેન્દ્રીય બેંકની નાણાકીય નીતિ સમિતિએ સર્વસંમતિથી રેપો રેટમાં 40 bpsનો વધારો કરવાનો મત આપ્યો છે. આ દ્વારા રિઝર્વ બેંકનો પ્રયાસ છૂટક ફુગાવાના દરને નીચે લાવવાનો છે. RBI ગવર્નરે મોંઘવારી પર અંકુશ રાખવા પર ધ્યાન આપવાની વાત કરી છે. તેમનું નિવેદન એવા સમયે આવ્યું છે જ્યારે વૈશ્વિક ફુગાવો ભારતની રિકવરી સામે પડકાર ઊભો કરી રહ્યો છે.
અગાઉ, એપ્રિલમાં યોજાયેલી નાણાકીય સમીક્ષા બેઠકમાં, આરબીઆઈએ સતત 11મી વખત મુખ્ય વ્યાજ દરોમાં કોઈ ફેરફાર કર્યો ન હતો. જો કે, ત્યારબાદ આરબીઆઈએ ફુગાવાના ચિંતાજનક સ્તરને ધ્યાનમાં રાખીને વ્યાજ દરમાં વહેલી તકે વધારો કરવાની વાત કરી હતી.
તમામ પ્રકારની લોનની EMI વધશે
RBIએ લાંબા સમય બાદ રેપો રેટમાં વધારો કર્યો છે. આ વધારા બાદ ઘર, કાર સહિત અન્ય તમામ લોનની EMI વધી જશે. એટલે કે તમારે વધુ EMI ચૂકવવી પડશે. જો કે તેની સાથે બેંકો ડિપોઝીટ પરના વ્યાજ દરમાં પણ વધારો કરશે. એટલે કે ડિપોઝીટ પર તમને વધુ વળતર મળશે. તેનાથી મોંઘવારી પર અંકુશ લાવવામાં મદદ મળશે.
