कंपाला : अमुरू जिल्ह्यातील अटियाक साखर कारखान्यामध्ये अपुऱ्या उसामुळे साखर उत्पादन तात्पुरत्या स्वरुपात बंद झाले आहे. कारखान्याने २०२० मध्ये स्थानिक खप आणि निर्यात या दोन्हींसाठी सफेद साखरेचे उत्पादन सुरू केले होते. आणि यासाठी कारखान्याने अमुरू आणि लावमो जिल्ह्यातील बाहेरील उत्पादकांकडून ऊस मिळविण्याचे प्रयत्न सुरू ठेवले होते.
होरील इन्वेस्टमेंट्स होल्डिंग कंपनी लिमिटेडचे मुख्य कार्यकारी अधिकारी डॉ. अमीना हर्षी मोघे यांनी सांगितले की, ऊसाच्या तुटवड्यामुळे साखर कारखाना बंद करावा लागला आहे. अटियाक शुगर प्लांटेशन आऊट ग्रोव्हर को-ऑपरेटिव्ह सोसायटी लिमिटेडचे अध्यक्ष सांता जॉयस लेकर यांनी सांगितले की, कारखाना तात्पुरत्या स्वरुपात बंद झाल्याने अनेक कामगार बेकार झाले आहेत. अमुरू जिल्हाध्यक्ष माइकल लैकोनी यांनी सांगितले की, कारखाना लामवो जिल्ह्यातील आयुउ अलालीवर उसाच्या पुरवठ्यासाठी अवलंबून होता. मात्र, उत्पादनातील घसरणीमुळे पुरवठा कमी झाला आहे.
