मनिला : फिलीपाईन्समध्ये साखरेच्या किमती आणखी जवळपास ६० टक्क्यांनी वाढू शकतात, असा इशारा हाऊस कमेटी ऑन वेज अँड मीन्सचे अध्यक्ष जॉय सर्टे साल्सेडा यांनी दिला आहे. जीएफसी (जागतिक आर्थिक संकट) नंतर रिकव्हरीच्या कालावधीत जागतिक स्तरावरील साखरेच्या किमती वाढल्या आहेत. साल्सेडा यांनी सांगितले की, जेव्हा पुन्हा एकदा सत्राची सुरुवात होईल, तेव्हा पक्षाकडून साखर उद्योगाशी संबंधीत घटकांशी चर्चा सुरू केली जाईल. साल्सेडा यांनी सांगितले की, देशाला कमी साखर पुरवठ्याच्या संकटापासून बाहेर काढण्यासाठी पाच कलमी कार्यक्रम प्रस्तावित आहे. या पंचसुत्री कार्यक्रमाच्या माध्यमातून देशातील साखर पुरवठ्याचे संकट कमी करण्याचे उद्दिष्ट निश्चित करण्यात आले आहे.
साल्सेडा यांनी सांगितले की, २००६ च्या जैव इंधन अधिनियमानुसार इंधन कंपन्यांना किमान १० टक्के बायोइथेनॉलसोबत गॅसोलीनचे मिश्रण उत्पादीत करण्याची आवश्यकता होती. आणि बायोइथेनॉलसाठी उसाचा वापर न करण्याच्या निर्णयामुळे ही एक चांगली सुरुवात असेल. साल्सेल्डा यांनी सांगितले की, राष्ट्रपती साखर नियामक प्रशासन, कृषी विभाग आणि साखर उत्पादित जिल्ह्यांपर्यंत पोहोचणारी स्थानिक सरकारी युनिट्स साखर दरवाढीच्या साखळी प्रक्रियेतील मूल्यांकन करून तोडणीपासून रिफायनिंगपर्यंतचे सर्व निर्देश देऊ शकतात. साल्सेडा यांनी असेही सांगितले की, फिलीपाईन्सच्या प्रतिस्पर्धा आयोग, कृषी विभाग आणि व्यापार व उद्योग विभागाला साखर दर निश्चिती आणि पुरवठ्याच्या दुरुपयोग केल्याच्या विरोधात कारवाईसाठी प्राधान्य दिले जाऊ शकते.
