ભારતની આર્થિક વૃદ્ધિ: મોર્ગન સ્ટેનલીના જણાવ્યા અનુસાર, વર્તમાન નાણાકીય વર્ષમાં ભારતનો જીડીપી સરેરાશ 7 ટકા રહેવાનો અંદાજ છે, જે મુખ્ય અર્થતંત્રમાં સૌથી વધુ હશે.
ભારતીય અર્થવ્યવસ્થા: ભારતીય અર્થતંત્ર ચીન કરતાં વધુ ઝડપથી વિકાસ કરશે. મોર્ગન સ્ટેનલીએ પોતાના રિપોર્ટમાં કહ્યું છે કે 2022-23માં ભારતની અર્થવ્યવસ્થા સમગ્ર એશિયામાં સૌથી ઝડપી ગતિએ આગળ વધશે. મોર્ગન સ્ટેનલીના જણાવ્યા અનુસાર, વર્તમાન નાણાકીય વર્ષમાં ભારતનો જીડીપી સરેરાશ 7 ટકા રહેવાનો અંદાજ છે, જે મુખ્ય અર્થતંત્રોમાં સૌથી વધુ હશે. રિપોર્ટમાં કહેવામાં આવ્યું છે કે ભારતીય અર્થવ્યવસ્થા છેલ્લા એક દાયકામાં સર્વશ્રેષ્ઠ પ્રદર્શન કરવા જઈ રહી છે અને આ દરમિયાન માંગ પણ વધવાની છે.
મોર્ગન સ્ટેનલીના ચીફ એશિયા ઈકોનોમિસ્ટ ચેતન આહ્યાએ એક નોંધમાં લખ્યું છે કે “અમે ભારતના દૃષ્ટિકોણ વિશે અત્યંત સકારાત્મક છીએ. તાજેતરના મજબૂત ડેટા અમને વિશ્વાસ આપે છે કે ભારત સ્થાનિક માંગ માટે સારી સ્થિતિમાં છે, જે ખાસ કરીને મહત્વપૂર્ણ રહેશે. તેમણે કહ્યું કે નીતિ નિર્માતાઓએ શ્રેણીબદ્ધ સુધારાઓ શરૂ કર્યા છે, જે ખાનગી મૂડી ખર્ચમાં વધારો કરવામાં મદદ કરશે.
મોર્ગન સ્ટેનલીના જણાવ્યા અનુસાર, કોમોડિટીના ભાવમાં ઘટાડો અને અર્થવ્યવસ્થા ફરી શરૂ થવાને કારણે આર્થિક રિકવરી ઝડપી બની છે. આ સમયગાળા દરમિયાન માંગ પણ વધી છે, તેથી મોબિલિટી કોરાના અગાઉના સ્તરે પહોંચી ગઈ છે. આ કારણોને લીધે એવું લાગે છે કે ભારતીય અર્થવ્યવસ્થા છેલ્લા એક દાયકામાં સર્વશ્રેષ્ઠ પ્રદર્શન કરનાર છે. જો નિકાસમાં ઘટાડો થાય છે, તો સેવાઓની નિકાસ તેની ભરપાઈ કરવામાં મદદ કરશે.
વાસ્તવમાં, માર્ચ 2022ની સરખામણીમાં ક્રૂડ ઓઇલ અને અન્ય કોમોડિટીના ભાવમાં થયેલા વધારાને કારણે આ સ્થિતિ બદલાઈ છે, જેના પછી આરબીઆઈને વ્યાજ દરોમાં ઝડપથી વધારો કરવાની જરૂર રહેશે નહીં. જો કે, નોંધમાં એવું કહેવામાં આવ્યું છે કે પુરવઠામાં વિક્ષેપને કારણે ભારતમાં કોમોડિટીના ભાવમાં વધારો થવાનું જોખમ છે. તમને જણાવી દઈએ કે મોંઘવારી પર અંકુશ મેળવવા માટે મે મહિનાથી અત્યાર સુધી આરબીઆઈએ ત્રણ તબક્કામાં રેપો રેટમાં 1.40 ટકાનો વધારો કર્યો છે.
