बेंगळुरू: कर्नाटक सरकारने इथेनॉलचे उत्पादन वाढविण्याचे उद्दिष्ट ठेवले आहे आणि याच्या पूर्ततेसाठी सातत्याने प्रयत्न सुरू आहेत. देशातील ऊस उत्पादक राज्यांमध्ये कर्नाटक तिसऱ्या क्रमांकावर आहे. आणि राज्यात एक नव्या इथेनॉल धोरणावर काम सुरू करण्यात येत आहे. त्याचा ऊस उत्पादकांसाठी एक खूप मोठा लाभ मिळणार आहे. इथेनॉलचा वापर किटाणूनाशक, सॅनिटायझर, चिकित्सा, नैसर्गिक गॅस तयार करण्यासाठीही केला जाऊ शकतो.
द न्यू इंडियन एक्स्प्रेसमध्ये प्रकाशित वृत्तानुसार, उद्योग मित्राचे कार्यकारी संचालक बसावराजू यांनी सांगितले की, केंद्र सरकारकडून पेट्रोल आणि डिझेलमध्ये इथेनॉल २० टक्के मिश्रण करण्यावर भर दिल्यानंतर इथेनॉलच्या मागणीत वाढ झाली आहे. कर्नाटक सरकार इथेनॉल उत्पादनाला प्रोत्साहन देण्यासाठी अनुदानासह सर्व सुविधा देत आहे. इथेनॉल प्लांट स्थापन करण्यासाठी इच्छुक लोकांना बँकांकडून सहजपणे कर्ज मिळू शकते. इंडियन ऑईल कॉर्पोरेशन आणि भारत पेट्रोलियमसह तेल पुरवठा कंपन्या आपल्या उत्पादनांमध्ये इथेनॉल मिश्रण करण्यास पुढाकार घेत आहेत. बसावराजू यांनी सांगितले की, आम्ही उत्पादन वाढीसाठी कंबर कसली आहे.
