पॅरिस : फ्रान्सने साखर कारखान्यांसाठी इंधन धोरणात्मक साठे खुले केले आहेत. कारण डिझेलच्या कमतरतेमुळे कारखाने बंद होऊ शकतात, असा इशारा देण्यात आला होता. TotalEnergies आणि Exxon Mobil या रिफायनरीजमधील वेतनासाठीच्या संपामुळे रिफायनिंग आणि वितरण विस्कळीत झाले आहे. त्यामुळे फ्रान्समध्ये एक तृतीयांश कमी इंधन केंद्रे सुरू आहे. फ्रान्स सरकारने गेल्या आठवड्यात सांगितले की, ज्या ठिकाणी इंधनाचा तुटवडा आहे, अशा स्टेशनांना पुन्हा सुरू करण्यासाठी त्यांनी आपल्या धोरणात्मक इंधन साठ्याचा वापर केला आहे. फ्रान्समधील सर्वात मोठ्या साखर उत्पादक टेरिओसने गेल्या महिन्यात सांगितले होते की, टोटल एनर्जीने सांगितले की ते त्यांना डिझेल पुरवठा करू शकत नाहीत. त्यामुळे त्यांना काही कारखान्यांतील उत्पादन कमी करावे लागले आहे.
फ्रान्समधील साखर कारखाने दरवेळी सप्टेंबरपासून जानेवारीच्या अखेरपर्यंत अथवा फेब्रुवारीपर्यंत सुरू राहतात. ज्या शेतकऱ्यांकडे बीटच्या तोडणीसाठी पुरेसे इंधन आहे यावर ही बाब अवलंबून राहते. हे बीट तोडून कारखान्यांमध्ये क्रशिंगसाठी आणले जाते. साखर उत्पादक आणि फ्रान्सचे कृषी मंत्री मार्क फेस्न्यू यांच्यादरम्यान, गेल्या बुधवारी झालेल्या बैठकीनंतर गेल्या आठवड्यात धोरणात्मक इंधन साठा खुला करण्याचा निर्णय घेण्यात आला होता. एसएनएफएसचे अध्यक्ष क्रिश्चियन स्पिगलर यांनी रॉयटर्स वृत्तसंस्थेला सांगितले की, ईंधनाच्या कमतरतेमुळे कारखाने तात्पुरत्या स्वरुपात बंद होण्याचा धोका होता.
