મુઝફ્ફરનગરઃ દેશના ઘણા રાજ્યોમાં શેરડીના ભાવમાં વધારો કરવાની માંગ છે અને હવે ઉત્તર પ્રદેશમાં પણ તેની માંગ વધી છે.
ભારતીય કિસાન યુનિયન (BKU)ના કાર્યકરોએ સોમવારે પશ્ચિમ યુપીના કેટલાક જિલ્લાના જિલ્લા મેજિસ્ટ્રેટ કચેરીઓ સામે શેરડીના સુધારેલા દર અને ખેડૂતોના તમામ બાકી ચૂકવણીની માંગ સાથે વિરોધ પ્રદર્શન કર્યું હતું.
BKUએ ઉત્તર પ્રદેશ સરકાર પાસે શેરડીનો ભાવ 450 રૂપિયા પ્રતિ ક્વિન્ટલ નક્કી કરવાની માંગ કરી છે. મુઝફ્ફરનગર, શામલી, બાગપત, બિજનૌર, સહારનપુરમાં બીકેયુના કાર્યકરોએ તેમની માંગણીઓ પૂરી કરવા માટે જિલ્લા અધિકારીઓને મેમોરેન્ડમ આપ્યા હતા. રાકેશ ટિકૈતે કહ્યું કે, શેરડીનું પેમેન્ટ 14 દિવસમાં કરવાનો નિયમ છે, અમે આ નિયમમાં સુધારો કરવા માંગીએ છીએ અને સરકારને શેરડીનું પેમેન્ટ ડિજિટલ સિસ્ટમ હેઠળ લાવવા માંગીએ છીએ.
ટિકૈતે રખડતા પ્રાણીઓ દ્વારા પાકને થતા નુકસાનનો મુદ્દો પણ ઉઠાવ્યો હતો. તેમણે કહ્યું કે સરકારે ખેતરની ફરતે કાંટાળા તારની ફેન્સીંગ પર પ્રતિબંધ મુકવાનો નિર્ણય પાછો ખેંચવો જોઈએ.
