નવેમ્બર 2021માં ભારતમાં કોલસાનું કુલ ઉત્પાદન 67.94 મિલિયન ટન હતું. તેની સરખામણીમાં નવેમ્બર 2022માં કુલ ઉત્પાદન વધીને 75.87 મિલિયન ટન થયું હતું. આમ કુલ કોલસા ઉત્પાદનમાં 11.66 ટકાનો વધારો નોંધાયો હતો. કોલ ઈન્ડિયા લિમિટેડે નવેમ્બર 2022 દરમિયાન 12.82 ટકાની વૃદ્ધિ નોંધાવી હતી. સિંગરેની કોલરીઝ કંપની લિમિટેડ અને કંપનીની માલિકીની ખાણો/અન્ય નોંધાયેલ ખાણોમાં કોલસાનું ઉત્પાદન અનુક્રમે 7.8 ટકા અને 6.87 ટકા વધ્યું હતું,
કોલસાના ઉત્પાદનની દ્રષ્ટિએ, ટોચની 37 ખાણોમાંથી લગભગ 24 ખાણોએ 100 ટકાથી વધુ ઉત્પાદન કર્યું હતું અને પાંચ ખાણોએ 80 અને 100 ટકાની વચ્ચે ઉત્પાદન કર્યું હતું.
વીજ વપરાશમાં નવેમ્બર, 2022માં 62.34 મિલિયન ટનનો વધારો જોવા મળ્યો હતો, જે ગયા વર્ષના નવેમ્બર મહિનામાં 60.20 મિલિયન ટન હતો. આમ, આ આઇટમમાં 3.55 ટકાનો વધારો થયો હતો.
નવેમ્બર 2021ની સરખામણીએ નવેમ્બર 2022માં કોલસા આધારિત વીજ ઉત્પાદનમાં 16.28 ટકાનો વધારો થયો છે. નવેમ્બર 2021 ની તુલનામાં, નવેમ્બર 2022 માં એકંદર વીજળી ઉત્પાદનમાં 14.63 ટકાનો વધારો નોંધાયો છે