मनिला : फिलिपाइन्सच्या सर्वसामान्य जनतेला महागड्या साखरेच्या दरापासून काहीसा दिलासा मिळाला आहे. रिफाईंड साखरच्या किरकोळ दरात नरमाई येण्याची चिन्हे दिसत आहेत. देशात आयात साखर पोहोचली आहे. त्यामुळे स्थानिक गळीत हंगामापूर्वी साखरेचा स्थानिक पुरवठा दुप्पट झाला आहे. याबाबत, Sugar Regulatory Administration (SRA) च्या नव्या अहवालानुसार, मनीलाच्या बाजारात रिफाईंड साखरेचा सरासरी किरकोळ दर एक आठवड्यापूर्वीच्या P१०१.०८ पासून २५ नोव्हेंबबरपर्यंत एक पेसोने घटून P१००.४९५ प्रती किलोग्रॅम झाला आहे.
SRA कडील आकडेवारीनुसार, मनीलाच्या सुपरमार्केटमध्ये रिफाइंड साखरेचा सरासरी दर P१०२.०२ प्रती किलोवरून घटून P१०१.१३ प्रती किलो झाला आहे. तर छोट्या बाजाराच विक्री केल्या जाणाऱ्या साखरेचा दर P१००.१४ प्रती किलोवरून घटून P९८.८६ प्रती किलो झाला आहे.
युनायटेड स्टेट्स डिपार्टमेंट ऑफ ॲग्रिकल्चरने (युएसडीए) आधी जारी केलेल्या अनुमानानुसार, फिलिपाइन्स चालू पिक वर्ष २०२२-२३ मध्ये ४,२५,००० मेट्रिक टन साखरेची आयात करू शकतो. कारण अनुमानीत स्थानिक उत्पादन देशाच्या ग्राहकांच्या मागणीची पुर्तता करण्यास अपुरे आहे.
आपल्या द्विवार्षिक जागतिक साखर अहवालात युएसडीएने फिलिपाइन्ससाठी आपल्या उत्पादन पुर्वानुमानाला २ मिलियन मेट्रिक टनापासून (एमएमटी) घटवून केवळ १.८५ एमएमटी केले होते. कमी उत्पादन पुर्वानुमानासोबत, युएसडीएला फिलिपाइन्सकडून साखरेची आयात गेल्या चार वर्षांच्या उच्चांकी स्तरावर पोहोचण्याची अपेक्षा आहे. युएसडीएच्या अंदाजानुसार, फिलिपाइन्स सप्टेंबर २०२२ पासून ऑगस्ट २०२३ पर्यंतच्या कालावधीत ३,५०,००० मेट्रिक टन रिफाइंड साखर आणि ७५,००० मेट्रिक टन कच्ची साखर आयात करेल.
