नवी दिल्ली : गव्हाच्या उष्णता प्रतिरोधक वाणांमध्ये डीबीडब्ल्यू १८७ आणि डीबीडब्ल्यू २२२ चा समावेश आहे. उष्णता सहन करण्याबाबत एचडी ३९८६ ऐवजी डीबीडब्ल्यू २२२ ची ताकद अधिक आहे. गेल्या रब्बी हंगामात, २०२१-२२ मध्ये डीबीडब्ल्यू १८७ आणि डीबीडब्ल्यू ३०८६ च्या तुलनेत अनुक्रमे ३.६ टक्के आणि ५.४ टक्के अधिक वाढीसह तापमानात अधिक सहनशीलता दिसून आली आहे. एआयसीआरपीच्या अहवालातही याची नोंद करण्यात आली आहे.
लुधियानाच्या पंजाब कृषी विद्यापीठाद्वारे (पीएयू) विकसित पीबीडब्ल्यू ८०३ वाण सिचंनावेळी पेरणीच्या स्थितीत अधिक उपयुक्त असल्याचे दिसते. तपकिरी रंगाच्या या वाणामध्ये अधिक प्रमाणात प्रतिरोधक क्षमता आहे. मात्र, उष्णता प्रतिरोधक वाण म्हणून या जातीची शिफारस केलेली नाही.
कृषीजगतमध्ये प्रकाशित वृत्तानुसार, सार्वजनिक आणि खाजगी भागीदारीद्वारे शेतकऱ्यांमध्ये उष्णता प्रतिरोधक वाणांच्या वापरास प्रोत्साहन देणे आणि शेतकऱ्यांना थेट बियाणे उपलब्ध करून देणे हे सरकारचे उद्दिष्ट आहे. या वाणांना प्रोत्साहन देण्यासाठी भारतीय गहू संशोधन केंद्र कर्नाळने आयसीएआरच्या अंतर्गत डीबीडब्ल्यू १८७ साठी २५० सामंजस्य करार आणि डीबीडब्ल्यू २२२ साठी १९१ सामंजस्य करार खासगी बियाणे कंपन्यांसोबत केले आहेत. संस्थेने हंगाम २०२१-२२ मध्ये या दोन्ही प्रकारच्या वाणांचे अनुक्रमे २५०० क्विंटल आणि १२५० क्विंटल बियाणे वितरीत केले आहे.
