चेन्नई : कोठारी शुगर्स अँड केमिकल्सने सांगितले की, त्यांच्या तामीळनाडूतील कट्टूर (Kattur) शुगर युनिटने साखर हंगाम २०२२-२३ साठी उसाचे गाळप सुरू केले आहे.
कोठारी शुगर्स अँड केमिकल्स एक एकिकृत साखर कंपनी आहे. त्याची युनिट्स तामिळनाडूतील कट्टूर आणि सात मंगलम येथे आहेत. कंपनीची संयुक्त गाळप क्षमता ६,४०० टीसीडी आहे. यामध्ये ६० केएलपीडीची डिस्टिलरी क्षमता आणि ३३ मेगावॅटची सह वीज उत्पादन क्षमतेचाही समावेश आहे. आर्थिक वर्ष २०२३च्या दुसऱ्या तिमाहीत कंपनीचा शुद्ध नफा ७५.२ टक्के घटून ०.६७ कोटी रुपये झाला आहे, जो आर्थिक वर्ष २०२२ च्या दुसऱ्या तिमाहीत २.७० कोटी रुपये होता. तिमाहीदरम्यान निव्वळ विक्री ३०.१ टक्के YoY वाढून ११६.८१ कोटी रुपये झाली आहे.