बिजनौर : जिल्ह्याील बहुसंख्य ऊस समित्या तसेच गोदामांवर युरियाची टंचाई आहे. काही ठिकाणी तर आठवडाभर आधी खते संपली आहेत. युरियाही नव्हे तर डीएपी ऊस समित्यांच्या गोदामांवरही शिल्लक नाही. ऊस विभागाच्या अधिकाऱ्यांच्या म्हणण्यानुसार, खतांची मागणी नोंदविण्यात आली आहे. नजिबाबाद ऊस विकास समितीकडे १० खतांची भांडारे आहेत. यातील मुख्य गोदामे नजीबाबाद, स्वाहेडी, रामपूर, कोटकादर आणि नांगलसोतीमध्ये आहेत. ऊस समितीचे सचिव विजय कुमार शुक्ला यांनी सांगितले की, खतांच्या रेक न आल्याने टंचाई आहे. कृषी विभागाच्या अधिकाऱ्यांनी मात्र सहकारी भांडारांनी मागणी नोंदविली नसल्याचे सांगण्यात येत आहे.
अमर उजालामध्ये प्रकाशित वृत्तानुसार, नगीना सहकारी ऊस विकास समितीच्या परिसरात तसेच बुंदकी, इस्लामाबाद व रायपूरसह चाक खतांची दुकाने आहेत. यापैकी ऊस समिती परिसरातील मुख्य गोदाम व बुंदकीमध्ये गेल्या चार दिवसांपासून युरिया उपलब्ध नाही. समितीचे सचिव विजय पाल सिंह यांनी सांगितले की, इस्लामाबाद आणि रायपूरच्या केंद्रात युरिया उपलब्ध आहे. धामपूर ऊस समितीचे विशेष सचिव मनोज कुमार यांनी सांगितले की, मागणीच्या तुलनेत खतांची उपलब्धता कमी असल्याने अडचणी येत आहेत. मात्र, जिल्हा ऊस अधिकारी पी. एन. सिंह यांनी सांगितले की, युरियाची उपलब्धा आहे. टंचाईची स्थिती नाही. सहकारी भांडारांनी मागणी नोंदवली नसावी. २६ मेट्रिक टन युरियाची रेक या आठवड्यात येणार आहे.