बिजिंग : कृषी मंत्रालयाने यावर्षी जवळपास ४ मिलियन एमयू (२,६७,००० हेक्टेयर अथवा ६,६०,०००) मध्ये जेनेटिकली मॉडिफाइड (जीएमओ) मक्का पेरणी करण्याचा निर्णय घेतला आहे. मंगोलीयाचा आतील भाग, जिलिन, हेबेई आणि युन्नान प्रांतांमधील काही काऊंटीजमध्ये काही प्रजातींची लागवड केली जाईल. कारण जेनेटिकली मॉडिफाइड मक्का लावण्याची योजना सार्वजनिक नाही.
चीन दशकभरापासून जीएमओ धान्य पिकांचा अभ्यास करीत आहे. तंत्रज्ञानाच्या विरोधामुळे त्यांना कधीही पेरणीची परवानगी देण्यात आलेली नाही. मात्र, आयात जीएम सोयाबीन आणि मक्क्याचा पशू आहार म्हणून तसेच जीएम कापूस लागवडीस अनुमती दिली जाते. अधिकृत आकडेवारीनुसार गेल्यावर्षी चीनमध्ये ४३ मिलियन हेक्टरमध्ये मक्क्याची पेरणी करण्यात आली होती. त्यापासून २७७ मिलियन टनाचे उत्पादन झाले. चीनच्या कॅबिनेटद्वारे प्रकाशित २०२३ ग्रामीण धोरणविषयक टिप्पणीनंतर या आठवड्यात बियाणे कंपन्यांच्या शेअर्समध्ये घसरण झाली आहे. त्यास जीएमओ तंत्रज्ञानाच्या अधिक नियंत्रित रिलीजच्या रुपात पाहिले जात आहे.
