ढाका : बांगलादेशमधील आघाडीचा औद्योगिक समूहांपैकी एक असलेल्या एस. आलम समुहाने (S Alam Group) आणखी दोन शुगर रिफायनरी स्थापन करण्यासाठी $४०० मिलियनच्या सामंजस्य करारावर स्वाक्षरी केली. दोनपैकी एक रिफायनरी चटगाव तर दुसरी ढाक्यामध्ये असेल. या योजनांद्वारे देशात साखरेची वाढती मागणी पूर्ण करण्याची तयारी केली जात आहे. सामंजस्य करारावर स्वाक्षरीदरम्यान दोन्ही कंपन्यांच्या आघाडीचे अधिकारी उपस्थित होते.
चटगावमधील प्रस्तावित साखर रिफायनरी कर्णफुली उपजिल्हाच्या अजीमपारा संघातील ईसानगरमध्ये उभारली जाईल. ढाकातील दुसरी रिफायनरी नारायणगंजच्या रुपगंज उप जिल्ह्यातील गंगानगरमध्ये स्थापन केली जाईल. या दोन्ही रिफायनरी २०२५ पर्यंत पुर्णपणे सुरू होईल अशी अपेक्षा आहे. रिफायनरींची एकूण क्षमता सहा हजार चारशे मेट्रिक टन आहे, यापैकी प्रत्येकाची प्रती दिन क्षमता तीन हजार दोनशे मेट्रिक टन आहे.
या प्रगत रिफायनरी युएसए, जर्मनी, फ्रान्स, युके, स्वीडन, मलेशिया, सिंगापूर, जपान आणि थायलंडमध्ये अत्याधुनिक उपकरणे आणि तंत्रज्ञानाचा वापर करेल. या उपक्रमामुळे बांगलादेशातील साखर रिफायनरी उद्योगात क्रांती घडेल अशी अपेक्षा आहे.
अशी अपेक्षा आहे की, ही योजना बांगलादेशमध्ये साखर प्रक्रिया उद्योगात एक क्रांती आणेल. या प्रस्तावित रिफायनरीला सुद्ध पाण्याने चालविले जाईल आणि रिव्हर्स ऑस्मोसिस सिस्टीवर आधारित अलिकडच्या एका आधुनिक ट्रिटमेंट प्लांटचा वापर पाणी शुद्धीकरणासाठी केला जाईल. यावेळी प्रस्तावित रिफायनरींमध्ये नव्याने आधुनिक कार्बोनेशन सिस्टम, मेम्ब्रेन फिलर आणि आयर्न एक्स्चेंज रेजिनचा वापर केला जाईल. कारण, आरोग्यासाठी हानीकारक सल्फर आणि इतर घातक घटकांना हटवले जाऊ शकेल. या दोन्ही रिफायनरी साखरेची मागणी पूर्ण करणे आणि देशाच्या आर्थिक विकासात महत्वपूर्ण भूमिका बजावतील.
नव्या साखर रिफायनरी योजना उत्पादन शुद्धता निश्चित करण्यासाठी उच्च क्षमतेच्या चुंबकीय विभाजकही तैनात करेल. ५० किलोची ट्रेडिंग बॅग, १००० किलोची कमर्शिअल बॅग, एक किलो आणि अर्धा किलोच्या किरकोळ पॅकेटमध्ये पूर्ण स्वयंचलीत प्रणालीच्या माध्यमातून साखरेच्या स्वच्छ प्रक्रिया करून पॅक केले जाईल. दोन्ही रिफायनरींचे शीतपेय आणि औषध कंपन्यांना लिक्विड शुगरच्या माध्यमातून पुरवठा केला जाईल. हे उत्पादन खर्च कमी करेल आणि वाहतूक आणि साठवणूक जोखीम कमी करेल. रिफायनरीच्या योजनेदरम्यान पर्यावरण संरक्षणास प्राधान्य दिले जाईल. त्यामुळे दोन्ही रिफायनरींमध्ये औद्योगिक व्यवस्थापनासाठी रोटरी लाइम क्लीन आणि ब्राइन रिकव्हरी प्लांटचा वापर केला जाईल. एकूण दोन्ही योजना पर्यावरण अनुकूल आहेत. आणि रिफायनरींपासून निर्माण होणारी साखर मानवी शरीराला हानीकारक नसेल. या दोन रिफायनरींशिवाय, एस. आलम ग्रुपने उत्तर क्षेत्रातील (रंगपूर आणि दिनाजपूर) आणि फरीदपूरमध्ये दोन मोठ्या रिफायनरी स्थापन करण्याची योजना तयार केली आहे.
या रिफायनरींमध्ये साखरेचे उत्पादन आणि प्रक्रियेसाठी स्थानिक शेतकऱ्यांकडून मिळणाऱ्या ऊस आणि कारखान्यांतील कच्च्या मालाचा वापर केला जाईल. एस. आलम ग्रुपचे महासंचालक अख्तर हसन यांनी सांगितले की, या दोन्ही रिफायनरी देशातील ग्राहकांसाठी गुणवत्तापूर्ण साखरेचा पुरवठा निश्चित करण्यात महत्त्वपूर्ण भूमिका बजावेल. आम्हाला अशी अपेक्षा आहे की, साखर रिफायनरी वेळेवर कामकाज सुरू करतील. एस. आलम ग्रुप साखर आणि इतर ग्राहकोपयोगी वस्तूंना स्वस्त किमतीवर उपलब्ध करून देण्यास कटिबद्ध आहे.
