वॉशिंग्टन : अमेरिकन कृषी विभागाच्या विदेश कृषी सेवेद्वारे (यूएसडीए) जारी करण्यात आलेल्या आकडेवारीनुसार, व्यवसाय वर्ष २०२२-२३ मध्ये चीन गव्हाचा जगातील सर्वात मोठा आयातदार होता. यामध्ये अनुमानीत १२ मिलियन टनाची आयात करण्यात आली. यूएसडीएने सांगितले की, १९९५-९६ नंतर चीनचा हा आयातीचा उच्च स्तर आहे. १९९५-९६ मध्ये चीनने १२.५ मिलियन टन आयात केली होती. पुढील उच्च आयातदार तुर्कस्तान आणि युरोपीय संघ आहेत. आणि १०.५ मिलियन टन आणि इंडोनेशिया १० मिलियन टनाची आयात केली आहे.
यूएसडीएने सांगितले की, देशाचे किमान समर्थन धोरण आणि सरकारच्या कोविड १९ बाबतची धोरणे यातून आलेली अनिश्चितता यामुळे लिलाव कमी झाल्याने चीनमध्ये धान्याच्या किमती उच्च स्तरावर आहेत. गेल्या एक वर्षात गव्हाच्या किमती ४५० डॉलर प्रती टनाच्या आसपास आहेत. तर मक्क्याच्या किमती ४०० डॉलर प्रती टनापेक्षा अधिक आहेत. यूएसडीएने सांगितले की, प्रतिस्पर्धी मूल्य निर्धारणाने चीनला कारखान्यासाठीच्या आणि गुणवत्ताधारक गव्हाची मोठ्या प्रमाणात आयात करण्यासाठी प्रोत्साहन मिळाले आहे. चीनद्वारे जुलै-फेब्रुवारीमध्ये ऑस्ट्रेलियातील गव्हाची खरेदी गेल्या वर्षीच्या तुलनेत ६६ टक्के अधिक झाली आहे. तर कॅनडाहून आयात ८३ टक्के अधिक होती.
