न्युयॉर्क : थायलंडच्या २०२३-२४ मधील ऊस पिक उत्पादन (ऑक्टोबर-सप्टेंबर) ७४ मिलियन टन होण्याची शक्यता आहे. हे उत्पादन २०२२-२३ या हंगामाच्या तुलनेत २१ टक्क्यांनी कमी असेल. ऊस उत्पादन घटण्यासाठी शेतकरी अधिक लाभदायक पिकांकडे वळणे आणि अल निनोला जबाबदार धरले जात आहे. ब्रोकर आणि पुरवठा साखळी सेवा प्रदाता जारनिकोने म्हटले आहे की, २०२२-२३ मध्ये थायलंडच्या शेतकऱ्यांसाठी उसाच्या उच्चांकी किमती आणि नव्या हंगामात आणखी जादा किमत मिळण्याची शक्यता असतानाही ऊस लागवड क्षेत्र कमी होईल. Czarnikow ने सांगितले की, ऊसाच्या लागवडीतील तुटवडा हा लागवडीतील घट आणि शेतकऱ्यांना जादा पैसे मिळवून देणाऱ्या इतर पिकांमुळे आहे.
इंटरकाँटिनेंटल एक्सचेंज (आयसीई) वर साखरेच्या किमती ११ वर्षांतील उच्चांकी स्तरावर ट्रेड करीत आहेत. थायलंड एशियातील एक प्रमुख साखर निर्यातदार आहे. Czarnikow ने म्हटले आहे की, काही थायलंडमधील शेतकरी उसाऐवजी कसावा या पिकाकडे वळले आहेत. त्याची किंमत मुख्यत्वे चीनमधील कसावा चिप्स आणि स्टार्चच्या मजबूत मागणीमुळे वाढली आहे. तेथे त्याचा वापर इथेनॉल आणि पशूखाद्याच्या आहारासाठी केला जातो. कसावाची शेती आणि संभाव्य बदलामुळे ऊसाचे तोडणी क्षेत्रात कमीत कमी ५ टक्के घसरणीची शक्यता आहे. Czarnikow च्या म्हणण्यानुसार, २०२३-२४ मध्ये थायलंड २.५ मिलियन टन साखर निर्यात करण्याची शक्यता आहे. २०२०-२१ नंतर ही सर्वात कमी निर्यात असेल.
