देशातील इथेनॉलच्या निर्मितीसाठी मक्क्याचे उत्पादन वाढविण्याबद्दल चर्चा करण्यासाठी गुरुवारी ICAR-Indian Institute of Maize Research (IIMR) ने एक चर्चासत्र आणि धोरणात्मक योजनेच्या बैठकीचे आयोजन केले.
याबाबत द न्यू इंडियन एक्स्प्रेसमध्ये प्रकाशित वृत्तानुसार, लुधियानातील ICAR-IIMR द्वारे ही तिसरी बैठक आपल्या सहयोगींच्याद्वारे आयोजित केली. याचा उद्देश ई २० लक्ष्य गाठण्यासाठी मक्क्याची अतिरिक्त मागणी पूर्ण करण्यासाठी एक रोडमॅप विकसित करणे हा होता.
बैठकीच्या अध्यक्षस्थानी आयसीएआय मुख्यालयाचे एडीजी (एफएफसी) डॉ. एस. के. प्रधान होते. आयसीएआर-आयआयएमआर लुधियानाचे संचालक डॉ. एच. एस. गाट हे सह अध्यक्ष होते. बैठकीत ५० प्रतिनिधींनी सहभाग घेतला. १७ दशलक्ष टन अतिरिक्त मक्का धान्याची गरज कशी भागवता येईल यावर चर्चा करण्यात आली. सद्यस्थितीत भारतात मक्क्याचे उत्पादन ४ टक्के वार्षिक दराने वाढत असल्याचे सांगण्यात आले.
कच्च्या तेलाच्या वाढत्या किमतींना प्रतिसाद म्हणून, भारत सरकारने इथेनॉल मिश्रित पेट्रोल कार्यक्रम सुरू केला. सध्या, ऊस आणि तुटलेल्या तांदळाच्या माध्यमातून सुमारे १० टक्के (E१०) मिश्रित उद्दिष्ट गाठले आहे.
इथेनॉल मिश्रण कार्यक्रमाच्या यशामुळे सरकारला E२० च्या देशव्यापी अंमलबजावणीची अंतिम मुदत २०३० वरुन २०२५-२६ पर्यंत कमी करण्यास प्रवृत्त केले.
बैठकीत पावसावर अवलंबून असलेल्या मक्याची उत्पादकता किमान ५ टन प्रति हेक्टरपर्यंत वाढवणे, रब्बी हंगामात मका लागवडीचा विस्तार, मका-आधारित पीक पद्धती विकसित करणे यावर चर्चा झाली. हवामान-प्रतिरोधक उच्च-स्टार्च मक्याचे वाण विकसित करणे, कृषीविषयक हस्तक्षेपांद्वारे उत्पादनातील तफावत कमी करणे, डिस्टिलरीजवळ मका पाणलोट क्षेत्रे स्थापन करणे आणि उत्पादन खर्च कमी करण्यासाठी तंत्रज्ञान विकसित करण्यावर चर्चा करण्यात आली.
