गंगापूर : गंगापूर साखर कारखान्याने यंदा तीन लाख टन गाळपाचे उद्दिष्ट ठेवल्याची माहिती ‘जयहिंद शुगर’चे महाव्यवस्थापक अविनाश शिंदे यांनी दिली. जयहिंद शुगर संचलित गंगापूर कारखान्याच्या रोलर पूजन कार्यक्रमात ते बोलत होते. रोलर पूजन कारखान्याचे अध्यक्ष कृष्णा पाटील- डोणगावकर यांच्या हस्ते झाले. शिंदे म्हणाले, नोव्हेंबर महिन्यात कारखान्याच्या गाळप हंगामाला प्रारंभ होणार आहे. गेली अनेक वर्षांपासून बंद अवस्थेत असलेल्या गंगापूर कारखान्यात सध्या दुरुस्तीचे काम युद्धपातळीवर सुरु आहे. मशिनरी बसविण्याचा कामाला सुरुवात झाली आहे. यावेळी अधिकारी, कर्मचारी मोठ्या संख्येने उपस्थित होते.
