નવી દિલ્હી: ઇથેનોલનું ઉત્પાદન કરતી લગભગ 100 ડિસ્ટિલરીઓ મુશ્કેલીમાં છે કારણ કે ફૂડ કોર્પોરેશન ઓફ ઇન્ડિયા (FCI) એ એક અઠવાડિયાથી વધુ સમય માટે સબસિડીવાળા ચોખાનો સપ્લાય બંધ કરી દીધો છે, એમ ધ ટાઇમ્સ ઑફ ઇન્ડિયામાં પ્રકાશિત થયેલા અહેવાલ મુજબ. કેન્દ્ર સરકાર FCI પાસેથી વધારાના ચોખા સપ્લાય કરવાની તેની નીતિની સમીક્ષા કરી રહી છે.
કેન્દ્ર સરકારે ગયા અઠવાડિયે બિન-બાસમતી સફેદ ચોખાની નિકાસ પર તાત્કાલિક અસરથી પ્રતિબંધ મૂક્યો હતો. સરકારે આ પગલાને સમર્થન આપતાં કહ્યું હતું કે નિકાસ પ્રતિબંધનો મુખ્ય ઉદ્દેશ ફુગાવાને અંકુશમાં લેવાનો અને સ્થાનિક બજારમાં પૂરતી ઉપલબ્ધતા સુનિશ્ચિત કરવાનો છે. અત્યાર સુધી સરકાર ઇથેનોલ ઉત્પાદન માટે એફસીઆઇ દ્વારા રાખવામાં આવેલા “સેન્ટ્રલ પૂલ” સ્ટોકમાંથી 2,000 રૂપિયા પ્રતિ ક્વિન્ટલના ભાવે બિન-ફોર્ટિફાઇડ ચોખા ઓફર કરતી હતી.
ધ ટાઈમ્સ ઓફ ઈન્ડિયામાં છપાયેલા સમાચાર અનુસાર, ઓલ ઈન્ડિયા ડિસ્ટિલર્સ એસોસિએશનના જનરલ સેક્રેટરી વીએન રૈનાએ કહ્યું, “અમે આ મુદ્દો FCI સમક્ષ ઉઠાવ્યો છે અને ખાદ્ય મંત્રાલયનો સંપર્ક કરીશું.” તેમણે કહ્યું કે, FCIએ અમને એક અઠવાડિયાથી વધુ સમયથી ચોખા આપ્યા નથી. અમે એક મોટા સંકટનો સામનો કરી રહ્યા છીએ અને ઘણા લોકો ઇથેનોલનું ઉત્પાદન બંધ કરવાના આરે છે.
