नवी दिल्ली : भारतीय रिझर्व्ह बँकेने आपल्या वेबसाइटवर ऑगस्ट महिन्यातील सुट्ट्यांची यादी अपलोड केली आहे. त्यानुसार शनिवार आणि रविवार या साप्ताहिक सुट्ट्यांसह एकूण १४ दिवस बँका बंद राहणार आहेत. एक ऑगस्टपासून देशभरात बँकिंगपासून ते एलपीजी दरांपर्यंत बदल पाहायला मिळतील. दुसरीकडे, जर तुमचे पुढील महिन्यात बँकेशी संबंधित कोणतेही महत्त्वाचे काम असेल, तर या तारखा लक्षात ठेवा.
आजतकमध्ये प्रकाशित वृत्तानुसार, ऑगस्ट महिन्यात एकूण १४ दिवस बँकांमध्ये कोणतेही काम होणार नाही, तसेच रिझर्व्ह बँक ऑफ इंडियाच्या हॉलिडे लिस्टनुसार विविध राज्ये आणि शहरांमध्ये होणारे सण आणि कार्यक्रमांव्यतिरिक्त नेहमीच्या सुट्ट्यांचा समावेश आहे. यामध्ये रविवार आणि दुसऱ्या आणि चौथ्या शनिवारच्या सुट्ट्यांचाही समावेश आहे.
महिन्याच्या ६, १२, १३, २०, २६ आणि २७ तारखेला शनिवार आणि रविवार साप्ताहिक सुट्टी आहेत. ८ ऑगस्ट रोजी तेंदोंग लो रम फात उत्सवामुळे गंगटोक येथे तर स्वातंत्र्यदिनानिमित्त देशभर सुट्टी असेल. १६ ऑगस्ट रोजी पारसी नववर्ष दिनानिमित्त बेलापूर, मुंबई आणि नागपूर येथे सुट्टी असेल. १८ ऑगस्ट रोजी श्रीमंत शंकरदेव तिथीनिमित्त गुवाहाटी येथे, २८ ऑगस्ट रोजी पहला ओणम कोच्ची आणि तिरुवनंतपुरम येथे, २९ ऑगस्ट रोजी थिरुवोनममुळे कोच्ची आणि तिरुवनंतपुरम तक ३० ऑगस्ट रोजी रक्षा बंधनची सुट्टी जयपुर आणि श्रीनगरला मिळेल. ३१ रोजी रक्षा बंधन/नारायण गुरु जयंतीनिमित्त कानपुर, लखनौ, डेहराडूनला सुट्टी असेल.
