सोलापूर : माढा तालुक्यातील म्हैसगाव येथील विठ्ठल कॉर्पोरेशन लिमिटेडचे कार्यकारी संचालक यशवंत संजयमामा शिंदे यांच्या हस्ते रोलर पूजन करण्यात आले. यंदा कारखान्याचा १६ व हंगाम होणार आहे. यशवंत शिंदे म्हणाले कि, कारखान्याने विस्तारीकरण सुरु असून २०२३- २४ गाळप हंगामाची तयारी अंतिम टप्प्यात आली आहे. कारखाना कार्यक्षेत्रातील शेतकऱ्यांच्या विकासासाठी कटिबद्ध असल्याचे प्रतिपादन त्यांनी केले. गाळप हंगाम यशस्वी करण्यासाठी शेतकऱ्यांनी जास्तीत जास्त ऊस हंगाम सुरु झाल्यानंतर गाळपासाठी पाठवावा, असे आवाहनही त्यांनी केले. याप्रसंगी मुख्य कार्यकारी अधिकारी आर.एस.रणवरे, विजयकुमार गिलडा, वैभव काशीद, रविंद्र चितळे, मोहन पाटील यांच्यासह अधिकारी, शेतकरी आणि कर्मचारी मोठ्या संख्येने उपस्थित होता.
