નવી દિલ્હીઃ યુનાઈટેડ નેશન્સ ફૂડ એજન્સીનો ચોખાનો ભાવ સૂચકાંક જુલાઈમાં 12 વર્ષની ટોચે પહોંચી ગયો છે. આ દરમિયાન ચોખાના ભાવ સૂચકાંકમાં 2.8 ટકાનો વધારો થયો છે. એજન્સીએ ચોખાની નિકાસ કરતા દેશોમાં ભાવમાં વધારો અને ભારત દ્વારા ચોખાની નિકાસ પરના પ્રતિબંધને કારણે ઈન્ડેક્સમાં વધારો થયો છે. ફૂડ એન્ડ એગ્રીકલ્ચર ઓર્ગેનાઇઝેશન (FAO) ઓલ રાઇસ પ્રાઇસ ઈન્ડેક્સ જુલાઈમાં 129.7 પોઈન્ટ પર હતો, એજન્સીએ જણાવ્યું હતું. ગયા મહિને આ ઇન્ડેક્સ 126.2 પર હતો.
મનીકંટ્રોલ,કોમમાં પ્રકાશિત અહેવાલ મુજબ ચોખાની નિકાસમાં ભારતનો હિસ્સો 40 ટકા છે. ચોખાના સ્થાનિક ભાવમાં ઘટાડો કરવા માટે સરકારે બિન-બાસમતી ચોખાની નિકાસ પર નિયંત્રણો લાદ્યા છે. આબોહવા પરિવર્તનથી ચોખાના ઉત્પાદન પર ખતરો છે. પરિણામે, કિંમતો બહુ-વર્ષની ટોચે પહોંચી ગઈ છે. ભારત, થાઈલેન્ડ, વિયેતનામ, કંબોડિયા, પાકિસ્તાન ચોખાની નિકાસ કરતા મુખ્ય દેશો છે. જ્યારે ચીન, ફિલિપાઈન્સ, સેનેગલ, નાઈજીરિયા, મલેશિયા મુખ્ય આયાત કરનારા દેશો હોવાનું કહેવાય છે.