बलरामपूर : बलरामपूर जिल्ह्यातील बलरामपूर साखर कारखान्यात पुन्हा एकदा दुर्घटना समोर आली आहे. बुधवारी काम करताना एका कामगाराचा टॉवरवर काम करताना कोसळून मृत्यू झाला. धर्मपूरकरन देवरिया येथील मृत्युंजय राम बहादूर यादव असे त्याचे नाव आहे. तो साखर कारखान्याच्या टॉवरवर काम करत होता. अचानक तोल जावून तो खाली पडला. कारखान्याच्या कामगारांनी त्यांना बलरामपूरच्या संयुक्त जिल्हा रुग्णालयात आणले. जिथे डॉक्टरांनी त्याला मृत घोषित केले.
भास्करमध्ये प्रकाशित वृत्तानुसार, अप्पर पोलिस अधिक्षक नम्रता श्रीवास्तव यांनी सांगितले की, मृतदेह उत्तरीय तपासणीसाठी पाठविण्यात आला आहे. मृतांच्या कुटूंबांना याची माहिती देण्यात आली आहे. या प्रकरणी कायदेशीर कारवाई करण्यात येत आहे.
दरम्यान, बलरामपूर साखर कारखान्यात एका पाठोपाठ एक दुर्घटना घडत आहेत. त्यात कारखान्यातील कामगारांची जीवितहानीसुद्धा झाली आहे. काही दिवसांपूर्वी कारखान्याच्या केमिकल विभागात एसी कॉम्प्रेसर फुटल्याने अपघात झाला होता. तर गेल्यावर्षी साखर कारखान्याच्या क्रेनमध्ये सापडून एका कामगाराचा मृत्यू झाला होता.
