ભારતના ખાંડની નિકાસ પ્રતિબંધની અસર નેપાળ પર પણ પડી રહી છે. નેપાળમાં લોકોને આ વર્ષે વિજયાદશમી અને દિવાળીની ઉજવણી કરવામાં મુશ્કેલી પડી રહી છે કારણ કે દેશમાં ઓછા ઉત્પાદન અને તહેવારોની મોસમ પહેલા ભારતની નિકાસ પર પ્રતિબંધને કારણે ખાંડની અછત છે.
તાજેતરમાં, ભારત સરકારે નિકાસ પ્રતિબંધોને આંશિક રીતે હળવા કર્યા છે અને નેપાળમાં 95,000 ટન બિન-બાસમતી સફેદ ચોખાની નિકાસ કરવાની મંજૂરી આપી છે. જે બાદ નેપાળમાં ચોખાની નિકાસ સરળ બનાવવાના ભારતના નિર્ણયને આવકારતા, ફેડરેશન ઓફ નેપાળ ચેમ્બર્સ ઓફ કોમર્સ એન્ડ ઈન્ડસ્ટ્રી (FNCCI)ના વરિષ્ઠ ઉપાધ્યક્ષ અંજન શ્રેષ્ઠાએ નેપાળમાં ચોખાની નિકાસ સરળ બનાવવાના ભારતના નિર્ણયને આવકાર્યો હતો.
સ્થાનિક બજારમાં ખાંડની કિંમત સ્થિર રાખવા માટે, ભારત સરકારે ખાંડની નિકાસ પરનો પ્રતિબંધ 31 ઓક્ટોબરથી આગળ વધારી દીધો છે. ડિરેક્ટોરેટ જનરલ ઓફ ફોરેન ટ્રેડ (DGFT) એ બુધવારે જાહેરાત કરી હતી કે ખાંડની તમામ જાતોની નિકાસ પરનો પ્રતિબંધ 31 ઓક્ટોબરથી આગળના આદેશો સુધી લંબાવવામાં આવ્યો છે.
