અદાણી ગ્રીન એનર્જીએ ગુજરાતના ખાવરામાં વિશ્વના સૌથી મોટા રિન્યુએબલ એનર્જી પાર્ક માંથી વીજ ઉત્પાદન શરૂ કર્યું છે અને તેના દ્વારા નેશનલ ગ્રીડને પાવર સપ્લાય શરૂ કર્યો છે. ગુજરાતના કચ્છ સ્થિત ખાવરામાંથી સૌપ્રથમવાર 551 મેગાવોટનો સોલાર પાવર સપ્લાય શરૂ કરવામાં આવ્યો છે. અદાણી ગ્રીન એનર્જી લિમિટેડે આ રિન્યુએબલ એનર્જી પાર્ક પર કામ શરૂ કર્યું ત્યારથી માત્ર 12 મહિનામાં આ વીજ ઉત્પાદન હાંસલ કરવામાં આવ્યું હતું.
અદાણી ગ્રીન એનર્જી લિમિટેડ (AGEL) ખાવરામાં એનર્જી પાર્કમાંથી 30 GW સ્વચ્છ ઊર્જાનું ઉત્પાદન કરવાની યોજના ધરાવે છે, જે વાર્ષિક 81 અબજ યુનિટ વીજળીનું ઉત્પાદન કરશે. આ સમાચારના આધારે, આજે AGELના શેરમાં વધારો થવાની સંભાવના છે, જે ગઈકાલે 1.43 ટકાના ઘટાડા સાથે રૂ. 1927 પર બંધ થયો હતો. આનાથી વાર્ષિક કાર્બન ઉત્સર્જનમાં 58 મિલિયન ટનનો ઘટાડો થશે જે ભારતના નેટ ઝીરો મિશનમાં પણ મોટી ભૂમિકા ભજવશે.
આ એનર્જી પાર્ક દ્વારા, અદાણી ગ્રીન એનર્જીએ કચ્છના રણને એક પડકારરૂપ ઉજ્જડ વિસ્તારમાંથી તેના 8000 લોકોના કાર્યબળ માટે રહેવા યોગ્ય સ્થળમાં પરિવર્તિત કર્યું છે. આ પાર્કમાં, કંપનીએ પાયાની ઈન્ફ્રાસ્ટ્રક્ચર વિકસાવ્યું છે જેણે રસ્તાઓ દ્વારા કનેક્ટિવિટી વધારવા ઉપરાંત એક ટકાઉ સામાજિક ઇકોસિસ્ટમ બનાવી છે.
અદાણી ગ્રૂપના ચેરમેન ગૌતમ અદાણીએ આ પ્રસંગે જણાવ્યું હતું કે “અદાણી ગ્રીન એનર્જી વિશ્વની સૌથી વ્યાપક રિન્યુએબલ એનર્જી ઇકોસિસ્ટમનું નિર્માણ કરી રહી છે. સૌર અને પવન ઉર્જાના ઉત્પાદન દ્વારા, અદાણી ગ્રીન એનર્જી 2030 સુધીમાં 500 ગીગાવોટ રિન્યુએબલ એનર્જી ઉત્પન્ન કરવાનું લક્ષ્ય ધરાવે છે.” મહત્વાકાંક્ષી લક્ષ્યાંકો અને કાર્બન ઉત્સર્જન ઘટાડવા, ખાવરાનો એનર્જી પાર્ક ભારતીય કંપનીઓ દ્વારા ઉચ્ચ વૈશ્વિક બેન્ચમાર્ક હેઠળ વિશ્વના ગીગાસ્કેલ રિન્યુએબલ એનર્જી પ્રોજેક્ટ્સમાં મોટો ફાળો આપશે, જેમાં અદાણી ગ્રીન એનર્જીનું વિશેષ સ્થાન હશે.”
