બેઇજિંગ: ચીનમાં ઘઉં, ચોખા અને મકાઈના ઉત્પાદનનું યાંત્રિકરણ સામાન્ય રીતે પૂર્ણ થઈ ગયું છે, ચીનના કૃષિ અને ગ્રામીણ બાબતોના પ્રધાન તાંગ રુન્ચેને ચાઈનીઝ નેશનલ પીપલ્સ કોંગ્રેસની વાર્ષિક પરિષદ દરમિયાન મીડિયા સાથેની વાતચીતમાં જણાવ્યું હતું. ઘઉંના ઉત્પાદનમાં યાંત્રિકરણ દર 95 ને વટાવી ગયો છે. એક હાર્વેસ્ટર સો કામદારોનું કામ કરી શકે છે. અગાઉ, જિલ્લામાં ઘઉંની લણણી કરવામાં ઓછામાં ઓછો અડધો મહિનો લાગતો હતો. હવે આખું કામ માત્ર ત્રણ કે પાંચ દિવસમાં થઈ શકશે.
તેમણે એ પણ માહિતી આપી હતી કે હવે ચીનમાં લગભગ 6 કરોડ 67 લાખ હેક્ટર ઉચ્ચ ગુણવત્તાની ખેતીનું નિર્માણ થયું છે, જે દુષ્કાળ અને પૂરનો સામનો કરવાની મજબૂત ક્ષમતા ધરાવે છે. વર્ષ 2022માં દક્ષિણ ચીનના ઘણા પ્રાંતોએ ભારે દુષ્કાળનો સામનો કરવો પડ્યો હતો. ડાંગરનો મોટો પાક મેળવ્યો હતો.
તેમણે કહ્યું કે વર્તમાન વર્ષમાં ચીન 110 મિલિયન હેક્ટરથી વધુના અનાજના વાવેતર વિસ્તારને સુનિશ્ચિત કરશે, મુખ્ય પાકોની પ્રતિ યુનિટ ઉપજમાં સુધારો કરવાના પ્રયાસો ચાલુ રાખશે અને કૃષિ ક્ષેત્રમાં સામાજિક સેવાના વિકાસ પર ભાર મૂકશે. આ સિવાય ચીન ઘઉં અને ડાંગરના લઘુત્તમ ખરીદ ભાવમાં વધારો કરવાનું ચાલુ રાખશે.