जकार्ता : जगातील सर्वात मोठा साखर आयातदार असलेला इंडोनेशिया त्याच्या पूर्वेकडील पापुआच्या प्रदेशात उसाच्या लागवडीला चालना देण्याची योजना आखत आहे, ज्यात बायोइथेनॉलच्या उत्पादनासह आयात कमी करणे आणि साखर-आधारित उद्योग विकसित करणे हे उद्दिष्ट आहे. गेल्यावर्षीच्या अल निनोमुळे झालेल्या दुष्काळामुळे पिकांचे नुकसानीमुळे पुरवठा टंचाईमुळे देशांतर्गत साखरेच्या किमती वाढल्याने ही योजना जाहीर करण्यात आली.
इंडोनेशिया सरकारने २०२२ मध्ये साखरेबाबतीत २०२७ पर्यंत स्वयंपूर्ण होण्याचे लक्ष्य ठेवले आहे. त्यासाठी उसाचे क्षेत्र लक्षणीयरीत्या वाढवावे लागेल. सरकारने मेरौके, दक्षिण पापुआ प्रांतात ऊस लागवड, कारखाने, बायोइथेनॉल प्लांट आणि बायोमास पॉवर प्लांटसाठी २ दशलक्ष हेक्टर जमीन निवडली आहे, असे गुंतवणूक मंत्री बहलील लाहदलिया यांनी पत्रकारांना सांगितले. मंत्री बहलील म्हणाले, पहिल्या टप्प्यासाठी २० लाख रोपे ऑस्ट्रेलियातून येतील, ज्यात सरकारी कंपन्यांचा समावेश आहे.
