લખનૌ: ઉત્તર પ્રદેશ સરકાર શેરડીના ખેડૂતોના બાકી લેણાં એક સપ્તાહની અંદર ચૂકવવાની યોજના પર કામ કરી રહી છે. એસપી ધારાસભ્યો અતુલ પ્રધાન અને મહેન્દ્ર નાથ યાદવના પૂરક પ્રશ્નના જવાબમાં, શેરડી મંત્રી ચૌધરી લક્ષ્મી નારાયણ સિંહે જણાવ્યું હતું કે, આ વર્ષે જ 21 શુગર મિલોએ ત્રણથી સાત દિવસની વચ્ચે ખેડૂતોના લેણાં ચૂકવ્યા છે.
મે મહિનામાં શેરડીનું પિલાણ બંધ થયા બાદ અત્યાર સુધીમાં 83 મિલોએ ખેડૂતોને 100 ટકા લેણાં ચૂકવ્યા છે. ચૌધરીએ વધુમાં જણાવ્યું હતું કે, જો ચારે બાજુથી સહકાર મળશે તો આવતા વર્ષથી એક સપ્તાહમાં 100 ટકા લેણાં ચૂકવવામાં આવશે. તેમણે એમ પણ કહ્યું હતું કે, આગામી સિઝનની શરૂઆત સુધી ખેડૂતોના કોઈ બાકી લેણાં રહેશે નહીં.
