શિલોંગ: મેઘાલયના દક્ષિણ ગારો હિલ્સ જિલ્લામાં ભારત-બાંગ્લાદેશ સરહદ નજીક BSFના ઓપરેશનમાં બાંગ્લાદેશમાં ખાંડની દાણચોરી કરવાનો પ્રયાસ કરી રહેલા ત્રણ ભારતીય નાગરિકો ઝડપાયા છે. આ ઘટના 12 ઓગસ્ટે બની હતી, જ્યારે BSF મેઘાલયની 181 બટાલિયનના જવાનોએ નિયમિત તપાસ દરમિયાન એક શંકાસ્પદ વાહનને રોક્યું હતું.
બાતમીના આધારે બીએસએફના જવાનોએ સરહદી વિસ્તારમાં મોબાઈલ ચેક પોઇન્ટ ઉભી કરી હતી. તપાસ કરતાં તેમને વાહનમાં રેતીના થર નીચે સંતાડેલી 1,000 કિલો ખાંડ મળી આવી હતી. ડ્રાઈવર અને બે કો-ડ્રાઈવરો ખાંડના કન્સાઈનમેન્ટ માટે માન્ય દસ્તાવેજો રજૂ કરવામાં અસમર્થ હતા. BSF મેઘાલયે પકડાયેલા વ્યક્તિઓ અને જપ્ત કરેલી ખાંડને વધુ તપાસ અને કાનૂની કાર્યવાહી માટે ડાલુ ખાતેની કસ્ટમ ઓફિસને સોંપી દીધી છે.
