નવી દિલ્હી: ભારતના હવામાન વિભાગના જણાવ્યા અનુસાર, દેશના ઘણા ભાગોમાં ભારે વરસાદ થયો છે. ભારતના હવામાન વિભાગ (IMD)ના ડેટા અનુસાર, 26 ઓગસ્ટના રોજ સવારે 8.30 વાગ્યાથી 27 ઓગસ્ટના રોજ સવારે 5.30 વાગ્યા સુધી ગુજરાતના વિવિધ ભાગોમાં ભારે વરસાદ થયો હતો, જેમાં વડોદરા ઉપરાંત ઓખા અને દ્વારકા અને પોરબંદરમાં પણ વધારે વરસાદ નોંધાયો છે.
ગુજરાતમાં છેલ્લા બે દિવસથી ભારે વરસાદ પડી રહ્યો છે, જેના કારણે ગુજરાતના ઘણા વિસ્તારો પાણીમાં ડૂબી ગયા છે અને સોમવારે અમદાવાદના કેટલાક વિસ્તારોમાં ભારે વરસાદને કારણે પાણી ભરાયા હતા ગયા. લોકો અને વાહનો ઘૂંટણિયે પાણીમાં ચાલતા જોવા મળ્યા હતા. શહેરના અનેક વિસ્તારોમાં પાણી ભરાવાને કારણે વાહનવ્યવહાર પણ ખોરવાઈ ગયો હતો.
દરમિયાન, પશ્ચિમ બંગાળમાં પણ ભારે વરસાદ થયો હતો, જેમાં બાંકુરામાં 10 સેમી વરસાદ નોંધાયો હતો, જ્યારે ડાયમંડ હાર્બરમાં 9 સેમી વરસાદ નોંધાયો હતો. કોલકાતાના અલીપુર અને દમદમ વિસ્તારમાં અનુક્રમે 6 સેમી અને 4 સેમી વરસાદ નોંધાયો છે. ઉલ્લેખનીય છે કે, પૂર્વ મધ્ય પ્રદેશ, જમ્મુ અને કાશ્મીરના જમ્મુ ક્ષેત્ર, ઓડિશા, પશ્ચિમ ઉત્તર પ્રદેશ અને પૂર્વ રાજસ્થાન સહિત દેશના વિવિધ ભાગોમાં પણ વરસાદ થયો હતો. IMD એ એમ પણ જણાવ્યું હતું કે, દિલ્હીના સફદરજંગ વિસ્તારમાં 2 સેમી વરસાદ નોંધાયો છે કારણ કે શહેરમાં ગઈ રાત્રે મધ્યમ વાવાઝોડા અને વીજળીના ચમકારા સાથે હળવો વરસાદ થયો હતો.
સોમવારે IMD દ્વારા જારી કરવામાં આવેલી પ્રેસ રિલીઝમાં જણાવવામાં આવ્યું છે કે ગુજરાતમાં આગામી 1-2 દિવસમાં ભારેથી અતિ ભારે વરસાદ પડશે. 26 અને 27 ઓગસ્ટના રોજ મોટા ભાગના સ્થળોએ હળવોથી મધ્યમ વરસાદ, કેટલાક સ્થળોએ ભારેથી અતિ ભારે વરસાદ અને છૂટાછવાયા સ્થળોએ ભારે વરસાદની સંભાવના છે. તેણે પૂર્વ અને પશ્ચિમ મધ્ય પ્રદેશ અને રાજસ્થાન માટે પણ ચેતવણી જારી કરી છે. પૂર્વી અને પશ્ચિમ મધ્ય પ્રદેશ: 26 ઓગસ્ટના રોજ મોટાભાગના સ્થળોએ હળવાથી મધ્યમ વરસાદ અને કેટલાક સ્થળોએ ભારેથી અતિ ભારે વરસાદ. પૂર્વ અને પશ્ચિમ રાજસ્થાન: મોટાભાગના સ્થળોએ હળવાથી મધ્યમ વરસાદ, અમુક સ્થળોએ ભારેથી અતિ ભારે વરસાદ અને 26 ઓગસ્ટે અમુક સ્થળોએ અતિ ભારે વરસાદની શક્યતા છે. 27 ઓગસ્ટના રોજ મોટાભાગના સ્થળોએ હળવાથી મધ્યમ વરસાદ અને કેટલાક સ્થળોએ ભારેથી અતિ ભારે વરસાદની શક્યતા છે.
