मनिला : शुगर रेग्युलेटरी ॲडमिनिस्ट्रेशन (एसआरए) ऐच्छिक खरेदी कार्यक्रमाचा नव्याने विचार करत आहे. यामुळे वस्तूच्या घसरलेल्या किमती रोखण्यासाठी कच्च्या साखरेची एक विशिष्ट पातळी बाजारातून काढून टाकली जाईल. याबाबत एसआरएचे प्रशासक आणि सीईओ पाब्लो लुईस अझकोना म्हणाले की एजन्सीचे मंडळ आता ऐच्छिक खरेदी कार्यक्रम सुरू करण्याच्या शक्यतेचा अभ्यास करत आहे, ज्यामुळे व्यापाऱ्यांना भविष्यातील आयात कार्यक्रमांना निधी देण्याच्या अधिकाराच्या बदल्यात सध्याच्या बाजारभावापेक्षा जास्त किंमतीला कच्ची साखर खरेदी करण्यासाठी प्रोत्साहन देता येईल.
अझकोना म्हणाले की, आम्ही गेल्या वर्षी काय केले याचा आम्ही अभ्यास करत आहोत. आणि त्यात सुधारणा करण्याचे मार्ग शोधत आहोत. यात ज्याच्याकडे घरगुती व्यवसाय परवाना असेल असा कोणीही सहभागी होऊ शकतो. ऐच्छिक खरेदी कार्यक्रमांतर्गत, कच्ची साखर प्रिमियमवर खरेदी केली जाईल आणि ती “सी” साखर किंवा राखीव साखरेच्या रुपात त्याचे वर्गीकरण केले जाईल. याचा अर्थ स्टॉक तात्पुरता बाजार परिसंचरणापासून दूर ठेवला जाईल.
एसआरएने गेल्या पीक वर्षात, २०२३-२०२४ मध्ये प्रथमच असा कार्यक्रम राबवला, ज्यामध्ये जास्तीत जास्त तीन महिन्यांसाठी २,६०,००० मेट्रिक टन कच्ची साखर बाजारात विक्रीपासून रोखता आले. पहिल्या ऐच्छिक खरेदी कार्यक्रमादरम्यान, पात्र व्यापाऱ्यांनी ५० किलोग्रॅमच्या पिशवीसाठी २,७०० ते २,८००० पेसोच्या दरम्यान साखर खरेदी केली होती, तेव्हा त्याची बाजारातील किंमत प्रती बॅग सुमारे २,५०० पेसो होती. गेल्या पीक वर्षात कार्यक्रमाच्या अंमलबजावणीनंतर कच्च्या साखरेच्या फार्मगेटच्या किमतीदेखील ५० किलोच्या पिशवीसाठी २,७०० पेसोच्या वरच्या पातळीवर परत आल्या.
याबाबत एसआरए प्रमुख अझकोना म्हणाले, अनेक ऊस उत्पादक संघटनांनी एजन्सीला पत्र लिहून कच्च्या साखरेच्या फार्मगेटच्या घसरलेल्या किमतींवर सरकारने हस्तक्षेप करण्यास सांगितले आहे. (कृषी) सचिव फ्रान्सिस्को टियू लॉरेल ज्युनियरदेखील सध्याच्या साखरेच्या किंमतीबद्दल खूप चिंतित आहेत. कारण जास्त पुरवठा होत नसला तरी किमती घसरत आहेत. देशातील कच्चा आणि शुद्ध साखरेचा एकत्रित साठा सुमारे ४,५०,००० मेट्रिक टन इतका आहे, जो दोन वर्षांपूर्वी नोंदवलेल्या ४,०६,००० मेट्रिक टनांच्या जवळपास समान पातळीवर आहे.
तथापि, अझकोना म्हणाले की, कच्च्या साखरेच्या फार्मगेटच्या किमती दोन वर्षांपूर्वीच्या तुलनेत तीव्र फरक आहे. जेव्हा किमती ५० किलोग्रॅम बॅगसाठी ३,००० पेसोपेक्षा जास्त होत्या. आज, फार्मगेटच्या किमती कच्च्या साखरेच्या प्रती बॅग २,४०० पेसोपर्यंत घसरल्या आहेत. सध्याच्या प्रचलित कच्च्या साखरेच्या फार्मगेट किमती प्रती बॅग सुमारे २,६०० पेसो आहेत. गेल्यावर्षीच्या सरासरी किमतीपेक्षा कमी आहेत, जेव्हा देशात ७,५०,००० मेट्रिक टनापेक्षा जास्त पुरवठा होता. लहान शेतकऱ्यांसाठी सध्याच्या किमती उत्पादन खर्चापेक्षा किंवा त्याहूनही कमी आहेत.
