लखनौ : मुख्यमंत्री योगी आदित्यनाथ यांनी मंगळवारी येथे उत्तर प्रदेश कृषी विकास आणि ग्रामीण उद्योग परिसंस्था मजबूतीकरण (UP-AGREES) प्रकल्पाचे उद्घाटन केले. राज्यातील कृषी उत्पादकता वाढविण्यासाठी, ग्रामीण उद्योगांना चालना देण्यासाठी आणि शेतकऱ्यांना सक्षम करण्यासाठी हा प्रकल्प एक मैलाचा दगड ठरेल, अशी अपेक्षा आहे.शेतकऱ्यांचे शेती उत्पादन प्रति एकर १० क्विंटलवरून १४-१५ क्विंटलपर्यंत वाढण्याची अपेक्षा आहे. त्यामुळे उत्तर प्रदेशच्या कृषी अर्थव्यवस्थेला अत्यंत आवश्यक चालना देईल.
देशातील सुमारे ४५ टक्के जमीन लागवडीयोग्य आहे, यातील ७५ टक्के जमीन उत्तर प्रदेशात आहे. भारतातील सर्वात सुपीक आणि उत्पादक प्रदेशांपैकी उत्तर प्रदेश एक आहे. म्हणूनच गहू, बटाटे, आंबा, पेरू, वाटाणे, मशरूम, टरबूज, मध आदीच्या उत्पादनात उत्तर प्रदेश देशात आघाडीवर आहे, असे सरकारी प्रवक्त्याने सांगितले.भारतातील भाजीपाला उत्पादनात उत्तर प्रदेश १५ टक्के आणि फळ उत्पादनात ११ टक्के योगदान देते. देशाच्या लोकसंख्येच्या १६ ते १७ टक्के लोकसंख्या असूनही, उत्तर प्रदेश भारतातील अन्नधान्य उत्पादनात २३ टक्क्यांहून अधिक योगदान देतो. ज्यामुळे त्याला भारताचे अन्नधान्य उत्पादन केंद्र म्हणून उत्तर प्रदेशला ओळखले जाते.
