नाशिक : कादवा सहकारी साखर कारखान्याचे दोन लाख एक हजार साखर पोत्यांचे पूजन अन्न व औषध प्रशासन विशेष सहाय्य मंत्री नरहरी झिरवाळ यांचे हस्ते शनिवार दि.1 फेब्रुवारी रोजी दुपारी दोन वाजता होणार आहे. तसेच अन्न व औषध प्रशासन विशेष सहाय्य मंत्री नरहरी झिरवाळ यांचा कादवा सहकारी साखर कारखान्याचे सभासदांच्या वतीने कादवा कार्यस्थळावर भव्य नागरी सत्कार सोहळ्याचे आयोजन करण्यात आले आहे. कार्यक्रमाच्या अध्यक्षस्थानी ‘कादवा’चे चेअरमन श्रीराम शेटे असणार आहेत. कार्यक्रमास सर्व सभासद शेतकरी यांनी उपस्थित राहावे असे आवाहन ‘कादवा’चे उपाध्यक्ष शिवाजी बस्ते, प्रभारी कार्यकारी संचालक विजय खालकर व संचालक मंडळाने केले आहे.
