कैथल (हरियाणा): उस उत्पादक शेतकर्‍यांना आता उस गाळपाला घालण्यासाठी आता घरुन डबा आणावा लागणार नाही, तर स्वस्त दरात अर्थात केवळ 10 रुपयात कारखाना परिसरात पौष्टिक भोंजन उपलब्ध होणार आहे. त्याचबरोबर कारखान्यात काम करणार्‍या कर्मजचारी आणि मजुरांनाही ही सुविधा मिळू शकेल. सरकारच्या आदेशावर कारखाना व्यवस्थापन परिसरात अटल शेतकरी कैंटीन सुरु होणार आहे. यासाठी कारखाना व्यवस्थापनाने तयारी सुरु केली आहे.
कैथल सोबत हरियाणातील सर्व सहकारी 10 कारखान्यांमध्ये कैंटीन सुरु होणार आहे. मुख्यमंत्री मनोहर लाल द्वारा प्रदेशात शेतकर्‍यांना स्वस्त दरात जेवण उपलब्ध होण्यासाठी कैंटीनची घोषणा केली होती. करनालच्या मंडीत अटल शेतकरी कैंटीन सुरु करुन या योजनेची सुरुवात देखील करण्यात आली आहे. आता त्याच धर्तीवर मुख्यमंत्र्यांनी कैथल सह प्रदेशातील सर्व 10 सहकारी साखर कारखान्यात अटल किसान साखर कारखान्यात कैंटीन सुरु करण्याच्या प्रक्रीयेला सुरुवात झाली आहे. टोकन पद्धतीने शेतकरी आणि इतर कर्मचार्‍यांना दुपारचे जेवण मिळू शकेल. आशा आहे की, लवकरच यासाठी टेंडर उघडले जाईल. कैंटीनमध्ये शेतकर्‍यांना 10 रुपयात थाळी उपलब्ध होईल. बाकी खर्च अनुदानाच्या माध्यमातून कारखाना व्यवस्थापन देईल.
कैथलच्या सहकारी साखर कारखान्याकडून जिल्ह्यातील शेतकर्‍यांचे एकूण 40 लाख क्विंटल उसाचे 160 दिवसात गाळप करण्याचे लक्ष्य निश्‍चित केले आहे. आतापर्यंत 73 दिवसात कारखान्याने जवळपास 17 लाख 40 हजार क्विंटल साखर उत्पादन केले आहे. गेल्या वर्षी 22 नोव्हेंबर पासून सुरु झालेला हा गाळप हंगाम 30 एप्रिलपर्यंत चालू राहण्याचे अनुमान आहे.
हि बातमी ऐकण्यासाठी प्ले बटन दाबा.
