ભુવનેશ્વર:2015ની સાલથી બંધ પડેલી નયાગઢ સુગર મિલ ફરીથી ચાલુ કરવા માટે નયાગઢ સુગર મિલ ક્રિયાઅનુસ્થાન કમિટીના સેંકડો ખેડૂતો અને કાર્યકર્તાએ ભારે વિરોધ પ્રદર્શન કરીને મુખ્ય મંત્રી નવીન પાટનાયકને આ મિલ ફરી શરુ કરવા માટે તાત્કાલિક દરમિયાનગીરી કરવા અપીલ કરી છે.
આ વિરોધ પ્રદર્શનકારીઓ મુખ્યમંત્રીના નિવાસસ્થાન નવીન નિવાસ તરફ કૂચ કરવાનો પ્રયાસ કર્યો ત્યારે કમિશનરેટ પોલીસે આંદોલનકારીઓને અટકાયતમાં લેવામાં આવ્યા હતા. જાન્યુઆરીએ નયાગઢમાં સુગર મિલમાંથી ચાર દિવસીય પદયાત્રા બાદ સોમવારે રાજ્યની રાજધાની પહોંચેલા ખેડૂતો અને કાર્યકર્તાઓ પોતાની માંગ અંગે પોતાનો અવાજ ઉઠાવવા મહાત્મા ગાંધી માર્ગ પર એકઠા થયા હતા.
બાદમાં, ખંડપદાના પૂર્વ ધારાસભ્ય સિધ્ધાર્થ શેખર સિંહની આગેવાનીમાં પાંચ સભ્યોની પ્રતિનિધિ મંડળ મુખ્યમંત્રી ફરિયાદ નિવારણ સેલ પાસે આ સંદર્ભે એક મેમોરેન્ડમ આપવા માટે ગયુ હતું. જો કે, પ્રતિનિધિ મંડળએ આરોપ મૂક્યો કે તેઓ કલાકો સુધી ઓફિસમાં રાહ જોતા બાદ ટેવોને મળવા દેવામાં ન આવતા તેના પગલે પ્રતિનિધિમંડળ અને ખેડૂતોએ મુખ્યમંત્રી નિવાસસ્થાન તરફ કૂચ શરૂ કરી હતી.જોકે પોલીસે તેમની અટકાયત કરી કસ્ટડીમાં લીધા હતા.
વિરોધ પ્રદર્શન દરમિયાન સભ્યોએ અરુણ સહુને મંત્રી કાંઉસીલમાંથી હાંકી કાઢવાની માંગ પણ કરી હતી.સમિતિના સભ્ય શિવરામ મિશ્રાએ જણાવ્યું હતું કે, નાયગઢ વિધાનસભા ક્ષેત્રમાંથી જનપ્રતિનિધિ હોવા છતાં,કૃષિ પ્રધાન પોતે જ મિલને ફરીથી ખોલવા માટે કોઈ નોંધપાત્ર પગલા લેવામાં નિષ્ફળ ગયા છે, જેના પર હજારો ખેડુતો અને કર્મચારીઓ તેમની આજીવિકા માટે નિર્ભર રહે છે.
તેઓએ એમ પણ આરોપ લગાવ્યો હતો કે એનએસસીએલના અધ્યક્ષ ત્રૈલોક્ય મિશ્રા 2004 થી મિલ ચલાવી રહ્યા હતા.જોકે અધ્યક્ષે 2015 માં ફેક્ટરી બંધ કરી દીધી હતી અને હજારો ખેડુતો અને કામદારોની આજીવિકા રઝળી ગઈ હતી.
બંધ થયાના કારણે આઠ જિલ્લાના12,000 થી વધુ ખેડુતો અને મિલના કામદારોને અસર પહોંચી છે.ફેક્ટરીના પુનરુત્થાન માટે રાજ્ય સરકારના તાત્કાલિક હસ્તક્ષેપ હવે જરૂરી બની ગયો છે તેમ શિવરામે જણાવ્યું હતું.
