मुझफ्फरनगर(उत्तर प्रदेश) : येथील जिल्हा अधिकाऱ्यांनी ऊस उत्पादकांची थकीत देणी भागवण्याचे आश्वासन दिल्यानंतर भारतीय किसान युनियनने मंगळवारी आपला संप मागे घेतला. बीकेयूचे राष्ट्रीय प्रवक्ते राकेश टिकैत यांनी सांगितले की, जिल्हा प्रशासनाने शेतकर्यांना पूर्ण मोबदला मिळावा यासाठी पाऊल उचलण्याचे आश्वासन दिल्यानंतर युनियनने आंदोलन संपविण्याचा निर्णय घेतला.
जिल्ह्यातील दोन साखर कारखान्यांनी शेतकऱ्यांचे 24 कोटी रुपये मंजूर केले आहेत, असे अधिकाऱ्याने सांगितले. ते म्हणाले की, टिटवी साखर कारखान्याने २० कोटी रुपये मंजूर केले आहेत, रोहाना कारखान्याने शेतकऱ्यांना 4 कोटी रुपये दिले आहेत. अन्य कारखान्यांची थकबाकी लवकरच निकाली काढण्यात येईल, असे अधिकाऱ्यांनी सांगितले.
उत्तर प्रदेश सरकारच्या कथित शेतकरी विरोधी धोरणांविरोधात असहकार आंदोलन करण्याचा इशारा बीकेयूने दिला होता.
हि बातमी ऐकण्यासाठी प्ले बटन दाबा.
